IJAI 64:8 - Bibəl ta Sar̄

⁸ Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

Bible sar

⁸ Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

IJAI 64:8 Referans Kwoze

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

PĀ GƏ̄ 119:73

Ī-rāām̄ kə jīí ō, ə́hɔm̄ dɔɔ́ kə jīí ō ní, ādə̄m̄ kur̄ dɔ kə́ kun yá̰a̰ ādə̄ m̄-ndóōń gō míndí gə̄.

PĀ GƏ̄ 138:8

Kɔ́ɔ̄ɓē a rāā yá̰a̰ malang tām̄ yāḿ tə́. Kɔ́ɔ̄ɓē, kem majə yāí to ngándáńg! Ngé gə̄ ń īkɔ́ ī-rāādə́ kə jīí ní, ī-lōō kəya̰də́ kɔ̄ɔ́.

PĀ GƏ̄ 100:3

Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

IJAI 29:16

Tá yá̰á̰ sḭ́ndə̄sí ngá̰ý! Deē a a̰a̰ kɔdə̄ jóo ɔjəń nánjə̄? Yá̰a̰ asə kəda nge rāān na: I ni n rāām̄ alé a? Jóo a əda kɔdə̄ jóo na: Ni ger̄ rāā kəla alé a?

IJAI 45:9

Deē ń kɔ̄l̄ kə nge rāāneé ní, yá̰á̰ kə́ to kum kaȳ aĺ ngá̰ý a teē dɔn tə́. Deē ndul to i tītə̄ jóó nánjə beē dan jóo madə̄ gə̄ tə́. Nánjə a əda nge mbə̄sān na ké ā ī-rāā i rí wa a? A ədan na jóo yāí teē yá̰a̰ alé a?

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Teē Ngán Israel gə̄ 4:22

Ā ə́da Parao̰ na najə̄ ń Kɔ́ɔ̄ɓē əda ní n toó: Israel i ngōn̄ hágə́ḿ mā Nə́ɓā.

JA̰A̰ 8:41

Sḭḭ̄ ī-rāāī i kəla ń bɔbə̄sí rāā ní. Nin̄-ədan̄ na: Jḭ̄ i ngáń kə́ ojən̄jí loo kaya tə́ alé, bɔbə̄jí i kógə̄ḿ beē, i Nə́ɓā.

Makətūbə̄ yā Job 10:3

Yá̰á̰ kə́ tōr̄ ń ī-rāām̄ ní nelī a? Yá̰á̰ ń īkɔ́ ī-rāā kə jīí á tōr̄ rɔ̄í ní nelī kídə̄n a? Rāā ń ī-rāā majə kə ngé kem ndul gēé adə̄ nin̄ rāānəń yá̰a̰ gə̄ ń nin̄ númə̄n̄ ní nelī ngá̰ý a?

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

IJAI 19:25

Kɔ́ɔ̄ɓē kə́ bo kə́ tɔ́gən i ngá̰ý a tɔ́r̄ tan dɔ de kə́ dɔ nang tə́ gə̄ tə́ a əda na: m̄-tɔ́r̄ taḿ dɔ ɓē kə́ Ejiptə ń i gír deē yāḿ gə̄ ní tə́ ō, dɔ ɓē kə́ Asiri ń mə̄kɔ́ m̄-rāā kə jīḿ ní tə́ ō, dɔ Israel ń i yá̰a̰ yāḿ mə̄kɔ́ ō.

IJAI 45:11

Yá̰á̰ ń Kɔ́ɔ̄ɓē, Nə́ɓā kə́ táĺ yā Israel, nge rāā gír deē yān gə̄, əda ní n toó: Sḭḭ̄ ī-dəjemī najə̄ kə́ dɔ ngánə́ḿ gə̄ tə́. Sḭḭ̄ ī-ndigiī kədam̄ yá̰á̰ kə́ kadə̄ m̄-rāā gə̄ najə̄ yā yá̰á̰ ń mā m̄-rāā tə́ ní. Ní, nge ń noō i najə̄ yāḿ mā!

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

Teē Ngán Israel gə̄ 32:12

Ní dan ń na a rāā wōn̄g tītə̄ ń noō sedə́ ní, ké bírí a de kə́ Ejiptə gə̄ a ədan̄ na i rí wa? A ədan̄ na ɔr̄də́ na teē sedə́ na i yā ndāngə́nń sedə́ loo kem ndul tə́, yā tɔ̄l̄də́ dɔ mbal̄ gə̄ tə́ ō, yā tɔ̄ɔ̄ kōōdə́ malang kɔ̄ɔ́ dɔ nang tə́ ō aĺ wa. Ní kadə̄ wōn̄g yān kə tetə ō, kə loo rāā yá̰á̰ kə́ majaĺ kə gír deē yān gēé ō.

NDŪ NAJƏ̄ 9:29

Kɔ́ɔ̄ɓē, nin̄ i gír deē yāí gə̄ ń ī-teē sedə́ kɔ̄ɔ́ kem ɓē kə́ Ejiptə tə́ kə tɔ́gí kə́ ngá̰ý ō, kə jīí kə́ kəla kə̄ dɔɔ́ ō ní.

PĀ GƏ̄ 74:1

Pā kə́ kəda, i pā yā Asap. Nə́ɓā, ī-mbātə́jí njɔ́ḿ i tām̄ rí tə́? Jḭḭ ń i ɓūtə̄ yá̰a̰ kul̄ gə̄ kə́ i ḭ̄ n i nge kul̄jí ní, wōn̄g rāāī sejí ngá̰ý i tām̄ rí tə́?

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.