IJAI 64:5 - Bibəl ta Sar̄

⁵ Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

Bible sar

⁵ Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

IJAI 64:5 Referans Kwoze

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

KƏLA RĀĀ 10:35

Ba dan nápar de gə̄ tə́ malang ní, deē ń ɓōĺ Ndílən ō, rāā yá̰á̰ kə́ gōtə́ ō ɓáa a nelə̄n seneé.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 37:4

Ādə̄ i Kɔ́ɔ̄ɓē n i nge rāā kadə̄ rɔ̄í nelī ngá̰ý ní. Loo ń noō tə́ ni a adī yá̰á̰ ń ī-dəjen ní.

PĀ GƏ̄ 25:10

Yá̰a̰ gə̄ ń Kɔ́ɔ̄ɓē ɔjə malang ní i kem majə ō, ra dɔ ndū tə́ ō tām̄ yā ngé gə̄ ń rāān̄ yá̰á̰ ń ndū najə̄ kə́ dɔ madə̄ naā yān tə́ əda ní.

Teē Ngán Israel gə̄ 30:6

A əndān̄ loo róō ndujə̄ yá̰a̰ i no kūbə̄ ń gāngə̄n̄neé gír loo ń a əndān̄ sandúkə ndū najə̄ tū tə́ á i loo kənge naā yājí jḭḭ seí ní tə́.

Teē Ngán Israel gə̄ 25:22

M-ā m-ə́ngeī i loo ń noō tə́. M-ā m̄-ndi i dɔ ta sandúkə́ tə́ dɔɔ́, dɔ dán de kə́ jōó gə̄ kə́ dɔ rā̰ tə́ kə́ ngé ngɔ̄m̄ loo gə̄ ń ndin̄ dɔ ta sandúkə́ tə́ ní, yā kədaīneé najə̄ gə̄ malang ń kadə̄ ə́dá ngán Israel gə̄ ní.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 26:13

Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

IJAI 63:7

m̄-ndigə ter̄ kem de gə̄ dɔ rāā majə gə̄ yā Kɔ́ɔ̄ɓē tə́, dɔ kum kənī pā tɔ̄ȳ yān tə́: Yá̰a̰ malang ń Kɔ́ɔ̄ɓē rāā tām̄ yājí tə́ ní, kem majə yān kə́ ngá̰ý kə́ tām̄ yā gír de gə̄ yā Israel tə́, yá̰a̰ malang ń ni-rāā kə ta kūl̄ táŕ ní ō, rāā majə yān gə̄ ń gír i ngá̰ý ní ō.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

IJAI 1:30

Ā ī-toī tītə̄ kāgə̄ gə̄ kə́ mbīdə́ ur̄ kɔ̄ɔ́ beē, aláa ā ī-toī tītə̄ ndɔr̄ kə́ ənge man̄ aĺ beē.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

JAKARI 3:3

Yesua ń ra kə njan kə́ dɔɔ́ no de kə́ dɔ rā̰ tə́ tə́ ní, kūbə̄ kə́ rɔ̄n tə́ əhɔ yə̄ró malang.