IJAI 64:4 - Bibəl ta Sar̄

⁴ Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

Bible sar

⁴ Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

IJAI 64:4 Referans Kwoze

PĀ GƏ̄ 31:19

Ngé sor̄ gə̄ ń a tájə̄n̄ de kə́ súmūú ō, a gángə̄n̄ rɔ̄də́ dɔn tə́ ō, a kídə̄nən̄ ō ní, ī-rāā ādə̄ tadə́ do̰ō̰ naā kɔ̄ɔ́!

JAKƏ 5:7

Tā anī ngákó̰ó̰ḿ gə̄, ī-tə́gāī tasí bátə́ kadə̄ Kɔ́ɔ̄ɓē reē ugə̄ń. Á̰a̰ī nge ndɔr̄ loo ngóō kōō ń i yá̰á̰ kə́ majə ngá̰ý tām̄ yān tə́ kə́ teē dɔ nang tə́ ní: Ni-tə́gā tan bátə́ kadə̄ man̄ kə́ ta kəga dɔ edə ō, man̄ kaw̄ ɓēé edə ō.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 130:5

m̄-ngóō Kɔ́ɔ̄ɓē kə ngarā̰ kemḿ malang ō, m-ə̄ndā kemḿ dɔ najə̄ yān tə́ ō.

TA KƏLA 49:18

Kɔ́ɔ̄ɓē, m-ə̄ndā kemḿ dɔí tə́ kadə̄ ī-dḭḭ̄m̄.

JA̰A̰ 14:3

Loo ń ré m-āw̄ m̄-rāā loo tām̄ yāsí tə́ oy anī, m-ā m̄-tél yā kɔysí kə̄ rɔ̄ḿ tə́, yā kadə̄ loo ń mā i tū tə́ ní, sḭḭ̄ i tū tə́ ō.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

Makətūbə̄ ń Pol ndang adə̄ Rom gə̄ ní 8:19

Tɔdɔ̄ yá̰a̰ gə̄ ń Nə́ɓā əndā ní kumdə́ i ta róbə́ tə́ sḛḛ loo ngóō kɔsə gɔn yā ngáń Nə́ɓā gə̄ kə́ to loo mundə̄ tə́ ń kadə̄ a teē dɔ ndágá wáńg ní tə́.

PĀ GƏ̄ 62:1

Pā kə́ kem makətūbə̄ yā ngār yā gōsə̄ pā gə̄ tə́. I kə gō míndə Yedutun. I pā yā Dabid.

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

1 KORḚNTƏ 1:7

adə̄ sḭḭ̄ ń ī-ndi ā ī-ngóōī kum mbang ń Kɔ́ɔ̄ɓē yājí Jeju Kərist a teēń hɔy tə́ ní, yá̰á̰ kógə̄ḿ kə́ Nə́ɓā a adə̄ de gə̄ kə ta kūl̄ kem ndaa yānneé kə́ sḭḭ̄ ī-nalī ní gətóo.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

1 TESALONIK 1:10

ba ngóoń Ngōnən ń a ḭḭ dɔ rā̰ tə́ yā reē ní ō. Adə̄ i Ngōnən Jeju ń oy á ni-ndólən ní. Sarya yā Nə́ɓā ń a reē ní, Ngōnən ngeé ń toō un dɔjí tə́ kɔ̄ɔ́.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

IJAI 66:8

Deē oō yá̰á̰ kə́ beē aké a̰a̰ yá̰á̰ kə́ beē ɓá a? Deē asə kojə ɓē ndɔ̄ kógə̄ḿ beē a? Deē ojə gíŕ nápar de gə̄ ndɔ̄ kógə̄ḿ hap a? Tá i yá̰á̰ ń noō n Jerusalem rāā ní: Rɔ̄n əla gír tōrə̄n i sḛ́ý beē ɓáý, anī ni ojə ngánən gə̄ kɔ̄ɔ́ ɓá!

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

PĀ GƏ̄ 103:18

tām̄ yā ngé ngɔ̄m̄ ndū najə̄ gə̄ kə́ dɔ madə̄ naā yān tə́ ō, ngé gír̄ rāā yá̰a̰ gə̄ ń ni-ɔsə sedə́ ta rāā ní ō.

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

DANIEL 9:8

Kɔ́ɔ̄ɓē, yājí i rɔ̄sɔl̄ ō, rɔ̄sɔl̄ i yā ngār yājí gə̄ ō, kaají gə̄ ō, tɔdɔ̄ jə-rāā yá̰á̰ kə́ majaĺ seí.

DANIEL 9:15

Kɔ́ɔ̄ɓē Nə́ɓā yājí, ī-teē kə gír deē yāí gēé kɔ̄ɔ́ kem ɓē kə́ Ejiptə tə́ ta kūl̄ jīí kə́ kə tɔ́gɔ́ ō, i -rāā ādə̄ rīí ɓār̄ tītə̄ ń a ɓārəń ɓōólaā ɓáý ní ō, ba ngɔlaā ní jḭḭ i ngé rāā majaĺ gə̄ ō, ngé kem ndul gə̄ ō.

OJEE 7:7

Nin̄ malang ní, təngān̄ tītə̄ púŕ mápa beé ō, nin̄ tɔ̄lə̄n̄ ngār yādə́ gə̄ ō. Mban̄g yādə́ gə̄ malang tə́sōn̄ kɔ̄ɔ́ ō, de kə́ sāā njaḿ mā gətóo ō.

JAKARI 10:9

Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.