IJAI 64:10 - Bibəl ta Sar̄

¹⁰ Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

Bible sar

¹⁰ Kújə́ kə́ *táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

IJAI 64:10 Referans Kwoze

IJAI 1:7

Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

Najə̄ kə́ Majə yā Jeju ń Luk ndang ní 21:21

Ndɔ̄ ń noō tə́ ní, kadə̄ ngé gə̄ ń nin̄ i gō nang kə́ Jude tə́ ní a̰ȳn̄ naā kə̄ dɔ mbal̄ gə̄ tə́ ō, ngé gə̄ ń nin̄ i kem ɓēé ní, teē aw̄n̄ sa̰y kɔ̄ɔ́ ō, kadə̄ ngé gə̄ ń nin̄ i kem ndɔr̄ gə̄ tə́ ní tél aw̄n̄ kem ɓēé aĺ ō.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

1 YÁ̰A̰ GƏ̄ 23:5

gə̄rā ngé ra ta róbə́ kújə́ tə́ gə̄ dūbú sɔ́ ō, ngé tɔ̄ȳ Kɔ́ɔ̄ɓē kə yá̰á̰ kə́ ɓāŕ gōsōó gə̄ dūbú sɔ́ ō. Yá̰á̰ kə́ ɓār̄ gōsə̄ gə̄ ní i ni n mēr̄ rāādə́ yā ɓōkə́nń Kɔ́ɔ̄ɓē tɔ̄ȳ ní.

IJAI 63:18

Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.

NŌŌ RƆ̄ 1:7

Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

Makətūbə̄ yā Aje 2:3

Dansí tə́ ní, deē kógə̄ḿ əga kemən dɔ majə yā kújə́ kə́ bo kə́ jóo yā Kɔ́ɔ̄ɓē tə́ a? Ba ngɔlaā ní, yá̰á̰ ń á̰a̰ī ní i rí? Gotə yá̰á̰ kə́ tū tə́ kə́ na̰y gətóo.