IJAI 61:8 - Bibəl ta Sar̄

⁸ Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

Bible sar

⁸ Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ *madə̄ naā sesí, i madə̄ naā kə́ a to ngándáńg.

IJAI 61:8 Referans Kwoze

PĀ GƏ̄ 11:7

Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

JEREMI 9:24

Ndɔ̄ gə̄ a reēn̄ noó kadə̄ m-ā m-ə́nda náā nəkɔ́ ń əja mɔtən ní. Najə̄ ń Kɔ́ɔ̄ɓē əda ní n noó.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

Gōsə̄ najə̄ gə̄ 8:20

Mā m-ún i róbə́ yá̰á̰ kə́ gōtə́, róbə́ kə́ a rāān̄ yá̰a̰ tū tə́ i kə gōó.

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

Gōsə̄ najə̄ gə̄ 3:6

Tū yá̰a̰ rāāí gə̄ tə́ malang ní majə kadə̄ ī-gerə̄n, loo ń noō tə́ ni a ɔjiī loo rāā yá̰a̰.

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

PĀ GƏ̄ 33:5

Ni gḛy i yá̰á̰ kə́ rāā kə́ gōtə́, ō yá̰á̰ kə́ súmūú ō. Kem majə yā Kɔ́ɔ̄ɓē taā loo dɔ nang tə́ malang.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

2 TESALONIK 3:5

Ādə̄ Kɔ́ɔ̄ɓē rāā adə̄ kemsí ndigə tár ń Nə́ɓā táŕsí ní ō, tə́gā ta ń Kərist i nge kadə̄ ní ō.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

PĀ GƏ̄ 50:5

Ni-əda na, de gə̄ yān gə̄ ń tunə̄n̄ yá̰a̰ rāānəń madə̄ naā seneé ní, kə ɔ́siī dɔdə́ naā tə́ kə ādə̄niī.

PĀ GƏ̄ 32:8

Kɔ́ɔ̄ɓē əda na: M-ā m̄-ndóōī yá̰a̰ ō, m-ā m-ɔ́jiī róbə́ ń kadə̄ úń ní ō. M-ā m-ādī kɔjə̄ kógə̄ḿ. M-ā m-ə̄ndā kumḿ gírí tə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 105:10

Ni-rāā adə̄ tél i yá̰á̰ kə́ ndang kadə̄ yā rāā tām̄ yā Jakob tə́ ō, i madə̄ naā kə́ a to ngándáńg tām̄ yā Israel tə́ ō,

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

IJAI 56:1

Yá̰á̰ ń Kɔ́ɔ̄ɓē əda ní n toó: Ī-ɓōlíī gidə yá̰á̰ kə́ súmūú, ī-rāāī yá̰á̰ kə́ gōtə́. Gān̄g dɔ ń m̄-reēń ní, dɔ to ngɔr, ā ī-teēī dɔ tə́ kadə̄ m̄-ndigə kajəsí.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

MALASI 1:13

Tá sḭḭ̄ ə́daī ɓáý to̰ na: I kəla kə́ to kɔr̄ tɔ́gə de kə́ ba̰ý beē! Mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní, sḭḭ̄ ī-kídə̄mī! Sḭḭ̄ ī-reēī kə dā̰ kə́ ɓogə gə̄, kə dā̰ kə́ nja motə gə̄, aláa kə́ mo̰y gə̄, ādə̄mī. I beé ní, m̄-dəjesí najə̄ ń toō: Yá̰a̰ gə̄ ń noō ń ī-ndējə̄mī ní, m-ásə taā jīsí tə́ a?

EJEKIEL 16:60

Ba mā tā a m-ā m̄-ra dɔ madə̄ naā ń m-ə́hɔ seí dan mandií tə́ ní ō, m-ā m̄-tūr̄ madə̄ naā kə́ a to ngándáńg.

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.