IJAI 61:6 - Bibəl ta Sar̄

⁶ Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

Bible sar

⁶ Ba sḭḭ̄, a əndān̄ rīsí na i *ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

IJAI 61:6 Referans Kwoze

Teē Ngán Israel gə̄ 19:6

adə̄ sḭḭ̄ ā ī-téliī ɓē ko̰o̰ yā ngé tun̄ yá̰a̰ gə̄ ō, gír de gə̄ kə́ táĺ gə̄ ō. Yá̰á̰ ń kadə̄ ə́dá ngán Israel gə̄ ní n noó.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

IJAI 66:21

M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ ngé tun̄ yá̰a̰ gə̄ tə́ ō, yā rāādə́ ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 20:6

Deē ń ndól̄ ndól̄ kə́ ta kəga dɔ ngeé ń toō ní, rɔ̄n nelə̄n ō, ni i deē yā Nə́ɓā ō. Yo a o̰o̰ ɓē dɔ de kə́ beē gə̄ tə́ alé, banī nin̄ i ngé tun̄ yá̰a̰ gə̄ yā Nə́ɓā ō, yā Kərist ō, a o̰o̰n̄ ɓē naā tə́ kə Kərist ɓāl̄ dūbú ō.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

1 KORḚNTƏ 4:1

I beé ní, majə kadə̄ ī-rāāījí ngé kəla yā Kərist gə̄ tə́ ō, ī-rāāījí de gə̄ kə́ əndān̄də́ ta kəla najə̄ kə́ rɔ̄kum gə̄ yā Nə́ɓā kə́ to loo mundə̄ tə́ ō.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

1 KORḚNTƏ 3:5

Ní, Apolos i náā ō, Pol i náā ō? Nin̄ i ngé rāā kəla gə̄ yā Nə́ɓā kə́ ī-taāī kem i kə kūl̄də́ ngóy. Nin̄ kógə̄ḿ kógə̄ḿ ní rāān̄ kəla i kə gō tɔ́gə́ ń Kɔ́ɔ̄ɓē adə̄də́ ní.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

EJEKIEL 14:11

I beé n ngán Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

IJAI 66:12

Tām̄ najə̄ ń Kɔ́ɔ̄ɓē əda ní n toó: M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō, kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō. M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé. Ni ətōn dan gidən tə́ ō, əndān dɔ kejən tə́ ba tɔ́y gidən ō.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

IJAI 56:6

Tə̄rā gə̄ əhɔn̄ gō Kɔ́ɔ̄ɓē. Nin̄ rɔȳnən̄ ō, tárnən̄ ō, nin̄ i ngé kəla yān gə̄ ō. Ngé gə̄ ń noō ní, Kɔ́ɔ̄ɓē əda najə̄ yādə́ na: De gə̄ malang ń ɓōlə́n̄ gidə ndɔ̄ sabat ō, ran̄ dɔ ndūdə́ tə́ loon tə́ ō, əhɔn̄ gō madə̄ naā yāḿ ō ní,

NDŪ NAJƏ̄ 18:2

Nin̄ a əngen̄ núsə dɔ nang kə́ tām̄ yādə́ tə́ dan ngán Israel gə̄ tə́ alé, tɔdɔ̄ yá̰á̰ ń əngen̄ ní i rāā kəla yā Kɔ́ɔ̄ɓē, tītə̄ ń Kɔ́ɔ̄ɓē ədańdə́ ní.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

JEREMI 33:18

Ngé tun̄ yá̰a̰ gə̄ kə́ gír yā Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń yá̰a̰ tun̄ gə̄ kə dɔ ndɔ̄ gə̄ malang ō alé.