IJAI 61:11 - Bibəl ta Sar̄

¹¹ Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

Bible sar

¹¹ Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

IJAI 61:11 Referans Kwoze

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

IJAI 62:1

Jerusalem, m-ā m̄-ndi taḿ mbóo alé, i tām̄ táŕ kə́ m̄-táriī tə́. Siyo̰, m-ā m̄-ndi kanjə̄ rāā yá̰a̰ alé, i tām̄ táŕ kə́ m̄-táriī tə́. m̄-ngóō kadə̄ gān̄g kə́ gāngə̄n̄ dɔí ɔjə rɔ̄n kə̄ ndágá tītə̄ loo kə́ dəloí kə́ unjə̄ beé ō, kadə̄ kajə kə́ ajiīn̄ unjə̄ tītə̄ lámbá kə́ əndān̄ hor tū tə́ beē ō.

IJAI 45:8

Dɔ rā̰, ə́yá̰ yá̰a̰ rāā yāí kə́ gōtə́ ādə̄ tə́sō tītə̄ tal beé. Ādə̄ kil̄ man̄ gə̄ rāān̄ adə̄ yá̰a̰ rāā yāí kə́ gōtə́ edə kə́ man̄ tə́! Ādə̄ dɔ nang teē tan adə̄ kajə hútə̄ ō, ādə̄ yá̰á̰ kə́ gōtə́ əɓa ō! Mā Kɔ́ɔ̄ɓē, m̄-rāā yá̰a̰ gə̄ ń noō malang.

PĀ KƏ́ MAJƏ 4:16

Néĺ kə́ dām̄ mbɔ́r ɓē kə́ ko̰ó̰ tə́ ō geleé tə́ ō, ī-ndólī dɔ ɓīī tə́ ba ī-reēī, ə́laī dɔ ndɔr̄ yāḿ tə́, kadə̄ sēē yá̰á̰ kə́ kotə majə kə́ kemeé gə̄ otən̄! Ādə̄ kó tár yāḿ reē kem ndɔr̄ yān tə́ əsa kan̄ kāgə̄ kə́ nel̄ ngá̰ý gə̄ kə́ kemeé!

PĀ GƏ̄ 85:11

Kem majə ō, najə̄ kə́ rɔ̄kum ō, əngen̄ naā, yá̰á̰ kə́ gōtə́ ō, kem sɔl̄ lɔm ō, ɓirə̄n̄ naā dagə.

MATIYE 13:23

Ngé gə̄ ń tə́sōn̄ dɔ nang kə́ majə tə́ ní i ngé gə̄ ń oōn̄ najə̄, ba gerə̄n̄ kum, adə̄ kumdə́ to ní. Kum kə́rēý gə̄ i ɓú ō, kə́rēý gə̄ i kutə mehḛ́ ō, kə́rēý gə̄ i kutə mətá ō.

MATIYE 13:3

Ni un gidə najə̄ kə̄ gogə́ ɔrə̄ń najə̄ sedə́ dɔ yá̰a̰ gə̄ tə́ gír i ngá̰ý, ədadə́ na: Deē kógə̄ḿ teē, aw̄ kənda kōó.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

PĀ GƏ̄ 72:3

Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

IJAI 48:18

Ha̰, loo kə́ beē tə́ ə̄ndā i kumií gíŕ yá̰a̰ gə̄ ń m-ɔ́sə sesí ta rāā ní anī, ndi lɔm yāí a to i tītə̄ bā beé ō, ndi majə yāí a to i tītə̄ bəngál bā bo beé ō.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

TA KƏLA 1:11

Nə́ɓā əda na kadə̄ mu gə̄ kə teēn̄ dɔ nang tə́ ō, kōō gə̄ kə́ kə kumdə́ gēé kə teēn̄ ō, kāgə̄ gə̄ kə́ kə kan̄də́ gēé kə teēn̄ ō, kə gō gíŕdə́ gēé. Anī yá̰á̰ ní reē tītə̄ ń Nə́ɓā ədań ní.

IJAI 62:2

Loo ń noō tə́ nápar de gə̄ malang a a̰a̰n̄ kadə̄ Kɔ́ɔ̄ɓē ajiī ō, mban̄g gə̄ malang a a̰a̰n̄ kɔsə kə́ ɔsən̄ gɔnií ō. Loo ń noō tə́ ā ə́nge rī kə́ kijə ń Kɔ́ɔ̄ɓē a gə̄rā ní.