IJAI 60:9 - Bibəl ta Sar̄

⁹ Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

Bible sar

⁹ Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ *táĺ yā *Israel ń rɔyī beé ní.

IJAI 60:9 Referans Kwoze

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

IJAI 2:16

Ni a rɔ̄ɔ̄ too bo gə̄ malang ō, ngé kɔy yá̰a̰ gātə̄ kə́ majə ngá̰ý kaw̄ń gə̄ malang ō.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

GALATƏ 4:26

Banī Jerusalem kə́ dɔɔ́ i kɔ́ɔ̄ rɔ̄n, adə̄ i ni n i kó̰ó̰jí ní.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

JAKARI 14:14

De kə́ dəngam gə̄ kə́ Juda a rɔ̄ɔ̄n̄ kem ɓē kə́ Jerusalem tə́. Nin̄ a ɔyn̄ yá̰a̰ kənge gə̄ kə́ kem ɓē gə̄ kə́ kadədə́ gə̄ tə́ malang. Adə̄ i lɔ́r ō, i gində̄ arjā̰a̰ ō, i kūbə̄ gə̄ kə́ ngá̰ý ō. Nin̄ a kánə̄n̄ yá̰a̰ gə̄ ń noō kə̄ dɔ naā tə́ gidə ɓēé.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

IJAI 60:4

Ɔ̄r̄ dɔí dɔɔ́ ba á̰a̰ loo ń to kə gō gidií ní! Nin̄ malang ɔsən̄ dɔdə́ naā tə́ ba reēn̄ kum kə̄ rɔ̄í tə́. Ngání kə́ dəngam gə̄ ḭḭn̄ sa̰y reēn̄, ətōn̄ ngání kə́ dəyá̰ gə̄ kə jīdə́.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

IJAI 43:4

A̰á̰ā̰, kemḿ i dɔí tə́ ngan̄g ngá̰ý, gātīí i ngá̰ý ō, m̄-táriī ō. I tām̄ najə̄ ń toō tə́ n m-ādə̄ gír de gə̄ kum gotií ní, m-ādə̄ deē ndul gə̄ m̄-mbéləń gírí ní.

Gōsə̄ najə̄ gə̄ 18:20

Deē asə kənge yá̰a̰ kəsa kə najə̄ kə́ teē tan tə́. Najə̄ kɔrə̄n adə̄n yá̰a̰ kəsa kə́ kadə̄ ndān̄ kemən.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

1 MBAN̄G GƏ̄ 22:48

Tá ɓáý to̰ ní dan ngeé ń noō tə́ ní mban̄g gətóo dɔ nang kə́ Edom tə́, ba i mban̄g kə́ Juda n əndā nge ko̰o̰ ɓē kógə̄ḿ dɔ nang kə́ Edom tə́ ní.

1 MBAN̄G GƏ̄ 10:22

Mban̄g Salomo̰ aw̄ kə to bo gə̄ kə́ Tarsis kə́ a əladə́ loo kə́ sa̰y gə̄ tə́ naā tə́ kə to bo gə̄ yā Hiram. Kə dɔ ɓāl̄ mətá gə̄ malang noō to bo gə̄ ní a télən̄ kə lɔ́r gə̄, kə gində̄ arjā̰a̰ gə̄, kə ngān̄g dā̰ gə̄, kə ɓetə̄ gə̄ kə yel̄ pá̰a̰ gə̄.

1 MBAN̄G GƏ̄ 10:1

Mban̄g kə́ dəyá̰ kə́ Saba oō najə yā Salomo̰, tɔdɔ̄ rī Salomo̰ ɓār̄ ngá̰ý sɔɔ̄ń rī Kɔ́ɔ̄ɓē. Ni-reē kənge Salomo̰ tə́ yā nāā kum kedə̄ yān kə najə̄ kə́ ngan̄g ngan̄g gēé.

1 MBAN̄G GƏ̄ 8:41

Ré tə̄rā ń i Israel alé, adə̄ i de kə́ dan gír deē yāí gə̄ tə́ aĺ ní, ḭḭ dɔ nang kə́ sa̰y tə́ reē najə̄ rīí tə́,

JOJUE 9:9

Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō,

Teē Ngán Israel gə̄ 33:19

Anī Kɔ́ɔ̄ɓē ədan na n-a n-mān̄ non tə́ yā kɔjən kem majə yān gə̄ malang. N-a n-ənī mbēr̄ non tə́ kə rīneé na: Kɔ́ɔ̄ɓē. Deē ń na n-ndigə rāā kem majə kə kɔ́ɔ̄ɔ́ ní n-a n-rāā kem majə kə kɔ́ɔ̄ɔ́ ō, deē ń na n-ndigə kadə̄ kumən o̰o̰n kə kɔ́ɔ̄ɔ́ ní, kumən na a o̰o̰n kə kɔ́ɔ̄ɔ́ ō.

TA KƏLA 9:27

Ādə̄ Nə́ɓā ɔr̄ gír loo yā Japet kə̄ gogə́! Ādə̄ Japet ndi kem kújə tandā gə̄ yā Sem tə́, ba ādə̄ Kanaan i ɓəlo yān!

PĀ GƏ̄ 48:7

Nin̄-ndewn̄ yakə yakə kə̄ loo nəkɔ́ ń noō tə́, a̰a̰n̄ loo kɔtə kum kə̄ kété alé, tītə̄ dəyá̰ kə́ a rāā kem beé.

IJAI 24:15

Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!

IJAI 49:22

Yá̰á̰ Kɔ́ɔ̄ɓē Nə́ɓā əda ní n toó: M-ā m̄-kɔ̄r̄yɔ̄ gotə nápar de gə̄. M-ā m-údə dərapóo rɔ̄ɔ̄ dɔɔ́ tām̄ yādə́ tə́ kadə̄ nin̄ ger̄nəń. Nin̄ a télən̄ kə ngání kə́ dəngam gə̄ ō, kə ngání kə́ dəyá̰ gə̄ ō, yā reē sedə́ gogə́, a ətōn̄də́ i kə jīdə́.

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

MISE 7:12

Loo ń noō tə́ ngákó̰ó̰sí gə̄ a télən̄ yā reē loosí gogə́. A əlan̄ gír kḭḭ i dɔ nang kə́ Asiri tə́ bátə́ Ejiptə tə́ ō, kadə bā Nil tə́ ō, bā Opəratə tə́ ō, kadə bā bo gə̄ tə́ ō, gō nang kə́ mbalá tə́ ō.

PĀ GƏ̄ 97:1

Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

IJAI 66:12

Tām̄ najə̄ ń Kɔ́ɔ̄ɓē əda ní n toó: M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō, kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō. M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé. Ni ətōn dan gidən tə́ ō, əndān dɔ kejən tə́ ba tɔ́y gidən ō.