IJAI 60:8 - Bibəl ta Sar̄

⁸ De gə̄ malang ń toō ń njə̄rān̄ tītə̄ kil̄ man̄ ō, ton̄ tītə̄ dér dum gə̄ kə́ télən̄ kə̄ gogə́ kem ɓēdə́ gə̄ tə́ ō toó, i náā gə̄?

Bible sar

⁸ De gə̄ malang ń toō ń njə̄rān̄ tītə̄ kil̄ man̄ ō, ton̄ tītə̄ dér dum gə̄ kə́ télən̄ kə̄ gogə́ kem ɓēdə́ gə̄ tə́ ō toó, i náā gə̄?

IJAI 60:8 Referans Kwoze

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

Najə̄ kə́ Majə yā Jeju ń Luk ndang ní 13:29

De gə̄ a teēn̄ dām̄ kə́ dūn̄ ɓē tə́ ō, kə́ no ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō, yā reē ndi ta yá̰a̰ kəsa tə́ kem Ɓē ko̰o̰ yā Nə́ɓā tə́.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

IJAI 60:4

Ɔ̄r̄ dɔí dɔɔ́ ba á̰a̰ loo ń to kə gō gidií ní! Nin̄ malang ɔsən̄ dɔdə́ naā tə́ ba reēn̄ kum kə̄ rɔ̄í tə́. Ngání kə́ dəngam gə̄ ḭḭn̄ sa̰y reēn̄, ətōn̄ ngání kə́ dəyá̰ gə̄ kə jīdə́.

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

OJEE 11:11

Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.