IJAI 60:7 - Bibəl ta Sar̄

⁷ Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

Bible sar

⁷ Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ *loo tun̄ yá̰a̰ yāḿ tə́ ō, *yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

IJAI 60:7 Referans Kwoze

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

TA KƏLA 25:13

Rī ngán Ismael gə̄ kə gō kojədə́ gēé n toó: Nebayot ō, Kedar ō, Adəbeel ō, Mibəsam ō,

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

IJAI 42:11

Ādə̄ deē oō kōō pā loo gə̄ ń de gə̄ ndin̄ tū tə́ dəla loo tə́ ní, loo gə̄ ń ngé njə̄rā dɔɔ́ kə́ Kedar gə̄ əhɔn̄ loo ndin̄ tū tə́ yā kḭḭ kə̄ kété ní tə́! Ādə̄ de gə̄ ń ndin̄ Ros ní ɔjən̄ rɔ̄nel̄ yādə́ kə̄ ndágá, ādə̄ ran̄ ta tél mbal̄ bo gə̄ tə́ dɔɔ́ əgan̄neé kɔŕ rɔ̄nel̄!

HEBƏRO 13:10

Jḭḭ̄ j-awī kə loo tun̄ yá̰á̰ kə́ ngé gə̄ ń rāān̄ kəla yā Nə́ɓā kem kújə tandā yā Moijə tə́ ní asən̄ kəsa yá̰a̰ ndējə̄ kə́ tun̄ dɔ tə́ alé.

IJAI 60:13

Kāgə̄ kə́ majə gə̄ ń Liban a əndań kadən ní, kāgə̄ rāā kújə́ kə́ tayā tayā gə̄, a reēn̄ yā kugə̄ ɓēé looí, ḭ̄ Jerusalem. Nin̄ a rāān̄ kadə̄ loo kə́ táĺ yāḿ a majə. I beé n m-ā m̄-rāań kadə̄ loo ń mā i tū tə́ ní téləń loo kə́ to kɔsə gɔn ní.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

PĀ KƏ́ MAJƏ 1:5

Ngáń kə́ dəyá̰ kə́ Jerusalem gə̄, mā i de kə́ m̄-kərē kasə ō, m̄-majə deē ō. m̄-to tītə̄ kújə tandā gə̄ kə́ rāān̄də́ kə bḭḭ̄ dā̰ kə́ ndul gusə gusə beē, m̄-to tītə̄ kūbə̄ tapīi gə̄ kə́ gātə̄n i ngá̰ý beē.

IJAI 19:19

Ndɔ̄ kógə̄ḿ tə́ anī, loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.

IJAI 19:21

Kɔ́ɔ̄ɓē a rāā kadə̄ de kə́ Ejiptə gə̄ ger̄nən̄ ō, ndɔ̄ ngeé ń noō tə́ ní, de kə́ Ejiptə gə̄ a gerə̄n̄ Kɔ́ɔ̄ɓē ō. Nin̄ a rāān̄ kəla yā kadə̄n tām̄ a tunə̄n̄ yá̰a̰ yā kadə̄n ō, a ndējə̄nən̄ yá̰a̰ ō. Nin̄ a ənīn̄ ndūdə́ yā kadə̄ Kɔ́ɔ̄ɓē ō, a rāān̄ kadə̄ yá̰a̰ gə̄ ní reē udən̄ gíŕ kə́ rɔ̄ tə́ ō.

IJAI 21:16

Tɔdɔ̄ yá̰á̰ ń Kɔ́ɔ̄ɓē ədam̄ ní n toó: Ɓāl̄ kógə̄ḿ ta asə naā anī, yá̰a̰ malang kə́ to rī ɓār̄ yā Kedar a gətóo kɔ̄ɔ́.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

EJEKIEL 27:21

De kə́ Arab tə́ gə̄ ō, ngār gə̄ malang kə́ Kedar gə̄ ō rāān̄ gātə̄ i seí ḭ̄ḭ́. Nin̄ a mangən̄ yá̰a̰ jīí tə́ i kə ngán batə̄ gēé ō, i kə batə̄ gēé ō, i kə bə̄yā̰ gēé ō.

SOPONI 3:10

Ngé rɔȳḿ gə̄ ń nin̄ i kə̄ kem ɓē gə̄ tə́ malang ní, a ḭḭn̄ gidə bā gə̄ kə́ Etiopi tə́ sa̰y yā reē ō, a reēn̄ kə yá̰a̰ ndējə̄ yādə́ gə̄ yā kadə̄m̄ ō.

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.