IJAI 60:6 - Bibəl ta Sar̄

⁶ Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

Bible sar

⁶ Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

IJAI 60:6 Referans Kwoze

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

PĀ GƏ̄ 72:15

Ādə̄ dɔn ngan̄g májə́ májə́! A adə̄nən̄ lɔ́ŕ kə́ Saba ō, a ndɔ̄ȳn̄ ngándáńg tām̄ yān tə́ ō, a dəjen̄ kə dɔ ndɔ̄ gə̄ kadə̄ Nə́ɓā rāā majə seneé ō.

NGÉ SARYA 6:5

Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

TA KƏLA 10:7

Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

Makətūbə̄ ń Pol ndang adə̄ Rom gə̄ ní 15:9

Ni-reē i yā kadə̄ de gə̄ ń nin̄ i Jipə aĺ gə̄ ní, ɔsən̄ gɔn Nə́ɓā tām̄ kem majə yān tə́. Tītə̄ ń makətūbə̄ yā Nə́ɓā ədań ní, ndangən̄ na: I tām̄ najə̄ ń toō tə́ n m-ā m̄-ɓōkíī tɔ̄ȳ dan nápar de gə̄ tə́ ō, m-ā m-ə̄nā pā yā tɔ̄ȳń rīí ō ní.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

1 MBAN̄G GƏ̄ 10:2

Reē ugə̄ Jerusalem kə de kə́ ngá̰ý gēé gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī, yá̰a̰ malang ń ni núm̄ kemən tə́ yā kɔr̄ seneé ní ɔr̄ seneé.

2 YÁ̰A̰ GƏ̄ 9:1

Mban̄g kə́ dəyá̰ kə́ Saba oō najə̄ yā Salomo̰ anī reē dəjen najə̄ kə́ ngan̄g gə̄ tə́ nāań kum kedə̄ yān. Ni-reē Jerusalem i kə de gēé ngá̰ý gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī dəjen najə̄ gə̄ malang ń ni núm̄ dəjen ní.

2 MBAN̄G 8:9

Hajael aw̄ ənge Elije. Ni ɔy yá̰á̰ kə́ majə majə gə̄ kə́ Damas adə̄ jámbal gə̄ kutə sɔ́ ətōn̄. Ni-aw̄ kə yá̰a̰ gə̄ ní yā ndējə̄ Elije. Dan ń reē ugə̄ rɔ̄ Elije tə́ anī, əda na: Ngōnīí Ben Hadad, mban̄g kə́ Aram, əlam̄ rɔ̄í tə́, əda na kə m̄-reē kə m̄-dəjeī ké n-a n-ḭḭ dɔ mo̰y ń toō tə́ wa.

NGÉ SARYA 7:12

Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

TA KƏLA 25:13

Rī ngán Ismael gə̄ kə gō kojədə́ gēé n toó: Nebayot ō, Kedar ō, Adəbeel ō, Mibəsam ō,

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

EJEKIEL 27:22

Ngé rāā gātə̄ gə̄ kə́ Saba ō, kə́ Ragəma ō a mbélə̄n̄ gíŕ yá̰a̰ gə̄ i seí ḭ̄ḭ́. Nin̄ a mbélə̄n̄ gíŕ yá̰a̰ gātə̄ yāí gə̄ ní i kə ítər kə́ majə ngá̰ý gə̄ ō, i kə mbal̄ gə̄ kə́ gātə̄də́ i ngá̰ý gə̄ kə́ tayā tayā gə̄ ō, i kə lɔ́r ō.

SOPONI 3:10

Ngé rɔȳḿ gə̄ ń nin̄ i kə̄ kem ɓē gə̄ tə́ malang ní, a ḭḭn̄ gidə bā gə̄ kə́ Etiopi tə́ sa̰y yā reē ō, a reēn̄ kə yá̰a̰ ndējə̄ yādə́ gə̄ yā kadə̄m̄ ō.

JAKARI 14:16

Əla gír ndɔ̄ ń noō tə́ ní, Gír de gə̄ ń rɔ̄ɔ̄n̄ ɓē kə́ Jerusalem ní, de kə́ dandə́ gə̄ tə́ ń a teēn̄ ta yo tə́ ní, a aw̄n̄ kem ɓē ngeé ń toō tə́ kə dɔ ɓāl̄ gə̄. Kɔ́ɔ̄ɓē kə́ bo kə́ tɔ́gən i ngá̰ý ní, nin̄ a rɔȳnən̄ loo ń noō tə́ ō, nin̄ a rāān̄ nāā kújə́ kámbə gə̄ ō.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

1 YÁ̰A̰ GƏ̄ 1:33

Ngán Madian gə̄ i Epa ō, Eper ō, Hanok ō, Abida ō, Elda ō. Ngán Ketura gə̄ malang n noó.

PĀ GƏ̄ 67:4

Nə́ɓā, ādə̄ de gə̄ ɓōkə́nī tɔ̄ȳ! Ādə̄ gír de gə̄ ɓōkə́nī tɔ̄ȳ naā tə́ malang!