IJAI 60:5 - Bibəl ta Sar̄

⁵ Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

Bible sar

⁵ Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

IJAI 60:5 Referans Kwoze

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

KƏLA RĀĀ 11:17

Ré Nə́ɓā adə̄də́ nin̄ kadə̄ karī kə́ kógə̄ḿ beē nəkɔ́ ń ni-adə̄jí jḭḭ̄ tām̄ taā kə́ jə-taāī kem Kɔ́ɔ̄ɓē Jeju Kərist tə́ ní anī, mā i náā á m-ásə kɔgə̄ Nə́ɓā rāā yá̰á̰ ní?

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

1 SAMUEL 2:1

Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

Makətūbə̄ ń Pol ndang adə̄ Rom gə̄ ní 15:26

Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

KƏLA RĀĀ 24:17

m̄-gətóo kem ɓē kə́ Jerusalem tə́ asə ɓāl̄ ngá̰ý, ba m̄-tél m-āw̄ gogə́ kemeé i kadə̄ gír deē yāḿ gə̄ yá̰a̰ gə̄ kə́ yā rāań kə ngé ndoō gēé tə́ ō, i kadə̄ Nə́ɓā yá̰a̰ ndējə̄ gə̄ tə́ ō.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

IJAI 60:11

Ta róbə yāí gə̄ a ran̄ wōyōó ngándáńg. Deē a utə̄ tadə́ kadaá aĺ ō, ndɔ̄ɔ́ aĺ ō. Loo ń noō tə́ a reēēn̄ kə yá̰a̰ kənge gə̄ yā nápar de kə́ rang gə̄ yā kudəń ɓēé looí ō, kə mban̄g yādə́ gə̄ ō, kə gō naá kógə̄ḿ kógə̄ḿ.

IJAI 54:2

Ī-teē kem kújə tandā yāí kə̄ gogə́ ādə̄ kemən bo, kūbə̄ kə́ laa tɔȳ madə̄ gə̄ ní, ī-ndɔ́r̄ gō kəlādə́ gə̄, yā kadə̄ ī-ndi gíŕdə́ tə́, ī-lōō tə́da kutə nar yāí ń udə ní. Ī-rɔ́tə̄ kəlā gə̄ ta madə̄ gə̄ tə́ ō, kāgə̄ kə́ tadə́ atə dām̄ kógə̄ḿ gə̄ ń ī-túdə̄də́ nang tə́ ní, ə́nda gōdə́ ādə̄ ran̄ ngan̄g ō.

PĀ GƏ̄ 34:5

M-ə́dá Kɔ́ɔ̄ɓē najə̄ anī ni tūrə̄m̄ tə́. Ni ɔrə̄m̄ kem yá̰á̰ kə́ to ka̰ȳ ndíl gə̄ tə́ kɔ̄ɔ́ malang.

JEJU TEĒ KUM JA̰A̰ 21:26

A reēn̄ kə kɔsə gɔn yā nápar de gēé ō, rɔȳ yā nápar de gēé ō, kem ɓē ní tə́.

2 KORḚNTƏ 10:15

Adə̄ dɔ nin̄ loo ń Nə́ɓā ɔjə ní, jḭḭ jə-mān̄ dɔ alé. J-ɔr ta rɔ̄jí kə kəla kə́ de kə́ rang gə̄ rāān̄ alé. Ba j-əndā kemjí dɔ tə́ kadə̄ taā kem yāsí a ḭḭ kə gidəneé, yā kadə̄ j-asəń rāā kəla kə bo tɔȳ nge ń jə-rāā kété dɔ dáńsí tə́ ní. Banī j-a jə-ra i dɔ nin̄ loo ń Nə́ɓā ɔjəjí tə́ ní ngándáńg.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

NDŪ NAJƏ̄ 33:19

Ā ī-mērī madə̄ ɓēsí gə̄ kaw̄ sesí dɔ mbalá kadə̄ āw̄ ī-tunī yá̰a̰ kə gō ndū najə̄ yā Nə́ɓāá. Tɔdɔ̄ yá̰a̰ kənge yāsí sḭḭ̄ i kə́ kum bā bo tə́ ō, i yá̰a̰ kənge kə́ teē tū nán̄g ngárə̄ḿnjēý tə́ ō.

PĀ GƏ̄ 119:32

M-ā̰ȳ ngɔ̄də̄ dɔ róbə yā gō míndí gə̄ tə́, tɔdɔ̄ ī-teē kumḿ.

IJAI 66:12

Tām̄ najə̄ ń Kɔ́ɔ̄ɓē əda ní n toó: M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō, kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō. M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé. Ni ətōn dan gidən tə́ ō, əndān dɔ kejən tə́ ba tɔ́y gidən ō.

MATIYE 25:16

Nge kəla ń taā sə́lē dūbú kutə mí ní, aw̄ rāań gātə̄ kə̄ ta jī tə́ noō, anī ənge manə̄n dɔ tə́ dūbú kutə mí.