IJAI 60:3 - Bibəl ta Sar̄

³ Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

Bible sar

³ Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 60:3 Referans Kwoze

KƏLA RĀĀ 13:47

Tɔdɔ̄ yá̰á̰ ń Kɔ́ɔ̄ɓē ɔsə sejí ta rāā ní n toō: M-ə̄ndāī kadə̄ ḭ̄ i loo kə́ unjə̄ kow yā nápar de gə̄ ō, kadə̄ ɔ́jə najə̄ kə́ dɔ kajə tə́ bátə́ kadə̄ ugə̄ ta ngóy dɔ nang tə́ ō.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

JA̰A̰ 12:32

Ba mā, dan ń a əlamə̄n̄ dɔɔ́ oy anī, m-ā m̄-ndɔ́r̄ de gə̄ malang kə̄ rɔ̄ḿ tə́.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

KƏLA RĀĀ 15:17

Loo ń noō tə́ gotə de gə̄ a sāān̄ Kɔ́ɔ̄ɓē, naā tə́ kə nápar de gə̄ malang ń rīḿ ɓār̄ dɔdə́ tə́ ní.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

PĀ GƏ̄ 138:4

Kɔ́ɔ̄ɓē, ādə̄ mban̄g kə́ dɔ nang tə́ gə̄ malang ɓōkə́nī tɔ̄ȳ, tɔdɔ̄ nin̄ oōn̄ najə̄ ń teē taí tə́ ní.

PĀ GƏ̄ 68:29

Nə́ɓā yāí gḛy kadə̄ ī-ngan̄g. Nə́ɓā, ḭ̄ ń ī-rāā yá̰a̰ tām̄ yājí tə́ ní ɔ́jə́ tɔ́gí!

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

AMOS 9:12

Loo ń noō tə́ ngán Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

IJAI 66:12

Tām̄ najə̄ ń Kɔ́ɔ̄ɓē əda ní n toó: M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō, kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō. M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé. Ni ətōn dan gidən tə́ ō, əndān dɔ kejən tə́ ba tɔ́y gidən ō.

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 60:10

Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

PĀ GƏ̄ 2:10

Ɓá anī sḭḭ̄ mban̄g gə̄, ɔ́jiī kadə̄ sḭḭ̄ i de kə́ ger̄ kum najə̄ gə̄! Ngé gān̄g sarya kə́ dɔ nang tə́ gə̄, ādə̄ ɔjə̄n̄sí!

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

PĀ GƏ̄ 102:22

A rāān̄ kadə̄ rī Kɔ́ɔ̄ɓē a ɓār̄ kem ɓē kə́ Siyo̰ tə́ ō, a tɔ̄ȳnən̄ kem ɓē kə́ Jerusalem tə́ ō,

IJAI 42:6

Mā Kɔ́ɔ̄ɓē, m̄-ɓāríī i tām̄ yá̰á̰ ń m̄-rā dɔ tə́ yā rāā ní i yá̰á̰ kə́ gōtə́. M-ə́hɔ ta jīí, deē ń rāāī ní i mā. Madə̄ naā yāḿ ń m-ə́hɔ kə gír de gēé ní, m̄-rāā ādə̄ reē udə gíŕ kə́ rɔ̄ tə́ i kemií ḭ̄ tə́, ḭ̄ i loo kə́ unjə̄ kow yā nápar de gə̄ kə́ dɔ nang tə́.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

IJAI 62:2

Loo ń noō tə́ nápar de gə̄ malang a a̰a̰n̄ kadə̄ Kɔ́ɔ̄ɓē ajiī ō, mban̄g gə̄ malang a a̰a̰n̄ kɔsə kə́ ɔsən̄ gɔnií ō. Loo ń noō tə́ ā ə́nge rī kə́ kijə ń Kɔ́ɔ̄ɓē a gə̄rā ní.

PĀ GƏ̄ 102:16

Dan ń Kɔ́ɔ̄ɓē a tél yā rāā ɓē kə́ Siyo̰ gogə́ rang ō, a teē hɔy kadə̄ de gə̄ a̰a̰nən̄ loo ndə́lē tə́ ō, a oō ndɔ̄ȳ yā ngé rɔ̄ tō ndoō gə̄ ō, a asən kídə̄də́ ō ní anī, nápar de gə̄ a ɓōlə́n̄ rī Kɔ́ɔ̄ɓē ō, mban̄g kə́ dɔ nang tə́ gə̄ malang a a̰a̰n̄ kɔsə gɔn yān yā ger̄ ō.