IJAI 60:16 - Bibəl ta Sar̄

¹⁶ Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

Bible sar

¹⁶ Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 60:16 Referans Kwoze

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

EJEKIEL 34:30

De gə̄ malang a gerə̄n̄ kadə̄ mā Kɔ́ɔ̄ɓē Nə́ɓā yādə́ mā i sedə́ ō, a gerə̄n̄ kadə̄ gír de gə̄ ń i Israel gə̄ ní, i gír deē yāḿ gə̄ rɔ̄kum ō. I mā Kɔ́ɔ̄ɓē Nə́ɓā n m-ə́da najə̄ ń noō ní.

IJAI 59:20

Nge gān̄g dɔ de gə̄ kógə̄ḿ a reē Siyo̰ tām̄ yā ngé gə̄ ń tūrə̄n̄ gidədə́ kɔ̄ɔ́ ta yá̰á̰ kə́ gōtə́ aĺ yādə́ gə̄ tə́ dan ngán Jakob gə̄ tə́ ní. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

JEJU TEĒ KUM JA̰A̰ 21:26

A reēn̄ kə kɔsə gɔn yā nápar de gēé ō, rɔȳ yā nápar de gēé ō, kem ɓē ní tə́.

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

IJAI 19:20

Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

IJAI 29:24

Ngé gə̄ ń kété gerə̄n̄ kəndā ma̰ȳ yá̰a̰ aĺ ní, a əlan̄ gír ger̄ kəndā ma̰ȳ yá̰a̰. Ngé gē ń kété a tə́dan̄ i tām̄ dɔ yá̰a̰ gə̄ tə́ malang ní, a ndigən̄ kadə̄ ndóōn̄də́ yá̰a̰.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

IJAI 60:17

M-ā m̄-rāā kadə̄ lɔ́r a reē kum gotə nə̄ngá kasə ō, m-ā m̄-rāā kadə̄ gində̄ arjā̰a̰ a reē kum gotə gində̄ kə́ karī ō, m-ā m̄-rāā kadə̄ gində̄ nə̄ngá kasə a reē kum gotə kāgə̄ ō, m-ā m̄-rāā kadə̄ gində̄ kə́ karī a reē kum gotə mbal̄ gə̄ ō. I kem sɔl̄ lɔm n a ɔr nosí kə ta kūlə̄ḿ mā ō, i yá̰a̰ rāā kə́ gōtə́ n a o̰o̰ ɓē dɔsí tə́ kə ta kūlə̄ḿ mā ō.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

JEREMI 15:21

M-ɔ̄rī kɔ̄ɔ́ jī ngé kem ndul gə̄ tə́ ō, m̄-taāī jī ngé rāā yá̰a̰ kə dɔ́nɔ́ gə̄ tə́ ō.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 52:6

Adə̄ ndɔ̄ kógə̄ḿ tə́ anī, gír deē yāḿ gə̄ a gerə̄n̄ ké mā i náā wa. A̰á̰ā̰, nin̄ a gerə̄n̄ kadə̄ i mā n i nge kəda na m-ā m̄-reē noó ní.