IJAI 60:12 - Bibəl ta Sar̄

¹² Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

Bible sar

¹² Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

IJAI 60:12 Referans Kwoze

IJAI 54:15

Ré reē ənīnī rɔ̄ɔ̄ anī, nge ń noō gírən ndetəm̄ alé. Deē ń a ənī rɔ̄ɔ̄ ní, a əsō nang tə́ noí tə́.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

IJAI 41:11

De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

MATIYE 21:44

Deē ń a əsō dɔ mbal̄ ń toō tə́ ní a tétə̄ rárák, ba deē ń mbal̄ ngeé ń toō a əsō dɔn tə́ ní, mbal̄ ní a rējə̄n rárájə́.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

PĀ GƏ̄ 108:13

Ī-rāā sejí ādə̄ jə-rɔ̄ɔń madə̄ ba̰ā̰jí, tɔdɔ̄ kadə̄ deē ndul dḭḭ̄ deē madə̄n i gól̄ loo karī.

JEREMI 12:17

Ba ré gḛyn̄ aĺ anī, m-ā m-ɔ̄r̄ nápar de gə̄ ń toō kə ngəradə́ gēé ɗer. M-ā m̄-rāādə́ kadə̄ oyn̄ kɔ̄ɔ́. Najə̄ ń Kɔ́ɔ̄ɓē əda ní n noó.

DANIEL 2:34

Ḭ̄ á̰á̰ yá̰á̰ kə́ tɔ́sə̄ adə̄ to tītə̄ deē ní beé, anī mbal̄ kógə̄ḿ rəte kanjə̄ kadə̄ jī deē ɔdən ba reē əsō dɔ njan kə́ rāā kə gindīí ō, kə nánjá ō ní tə́ adə̄ njan ní tɔ̄ɔ̄ yɔ́k yɔ́k kɔ̄ɔ́.

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.