IJAI 60:10 - Bibəl ta Sar̄

¹⁰ Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

Bible sar

¹⁰ Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

IJAI 60:10 Referans Kwoze

IJAI 61:5

Tə̄rā gə̄ a ndin̄ noó yā ngɔ̄m̄ batə̄ yāsí gə̄ ō. De kə́ kḭḭ loo kə́ rang tə́ gə̄ a ndɔrə̄n̄ ndɔr̄ yāsí gə̄ ō, a ndɔrə̄n̄ kāgə̄ nduú yāsí gə̄ ō.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

JEJU TEĒ KUM JA̰A̰ 21:26

A reēn̄ kə kɔsə gɔn yā nápar de gēé ō, rɔȳ yā nápar de gēé ō, kem ɓē ní tə́.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

PĀ GƏ̄ 30:5

Sḭḭ̄ deē yā Kɔ́ɔ̄ɓē gə̄ ə̄nīī pā ādīin̄, ī-ɓōkíin̄neé tɔ̄ȳ ə́daī na, ni i de kə́ táĺ.

IJAI 66:21

M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ ngé tun̄ yá̰a̰ gə̄ tə́ ō, yā rāādə́ ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.

PĀ GƏ̄ 102:13

Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

IJAI 56:6

Tə̄rā gə̄ əhɔn̄ gō Kɔ́ɔ̄ɓē. Nin̄ rɔȳnən̄ ō, tárnən̄ ō, nin̄ i ngé kəla yān gə̄ ō. Ngé gə̄ ń noō ní, Kɔ́ɔ̄ɓē əda najə̄ yādə́ na: De gə̄ malang ń ɓōlə́n̄ gidə ndɔ̄ sabat ō, ran̄ dɔ ndūdə́ tə́ loon tə́ ō, əhɔn̄ gō madə̄ naā yāḿ ō ní,

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

IJAI 64:9

Ɓē yāí kə́ táĺ gə̄ ní de gə̄ i kemeé to̰ alé, Jerusalem tél i dəla loo, Siyo̰ i kɔkərɔ kə́ ra dɔ naā tə́ bing kə́ əya̰n̄ kɔ̄ɔ́.

JOEL 2:18

Nə́ɓā rāā jang tām̄ yā ɓē yān tə́. Ni-a̰a̰ kum tō ndoō yā gír deē yān gə̄.