IJAI 6:9 - Bibəl ta Sar̄

⁹ Anī Kɔ́ɔ̄ɓē ədam̄ na: Āw̄ ə́dá gír de gə̄ ń toō: Ā ōōī najə̄ majə, banī ā ī-gerī kum alé. Ā á̰a̰ī loo majə, banī ā á̰a̰ī yá̰á̰ kógə̄ḿ alé.

Bible sar

⁹ Anī Kɔ́ɔ̄ɓē ədam̄ na: Āw̄ ə́dá gír de gə̄ ń toō: Ā ōōī najə̄ majə, banī ā ī-gerī kum alé. Ā á̰a̰ī loo majə, banī ā á̰a̰ī yá̰á̰ kógə̄ḿ alé.

IJAI 6:9 Referans Kwoze

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

MARK 4:12

yā kadə̄ dan ń a̰a̰n̄ anī, a̰a̰n̄ ba a̰a̰n̄ kə gōó aĺ ō, yā kadə̄ dan ń oōn̄ najə̄ anī, oōn̄ ba gerə̄n̄ kum najə̄ ń oōn̄ ní aĺ ō, na sōgə́ nin̄ a tūrə̄n̄ háĺdə́ anī, Nə́ɓā a māȳ rɔ̄n dɔdə́ tə́.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

Makətūbə̄ ń Pol ndang adə̄ Rom gə̄ ní 11:8

tītə̄ ń makətūbə̄ yā Nə́ɓā ədań ní. Ndangən̄ na: Nə́ɓā rāā adə̄ ndíĺdə́ a ɓīī i mbée ō, kumdə́ a̰a̰ loo aĺ ō, mbīdə́ oō loo aĺ ō, bátə́ ɓōólaā.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

IJAI 43:8

Ādə̄ gír de gə̄ ń toō reē ran̄! Kumdə́ to noó, banī nin̄ a̰a̰n̄ loo alé, mbīdə́ to noó, banī nin̄ oōn̄ loo alé.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

Gōsə̄ najə̄ gə̄ 28:5

De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

IJAI 28:13

I tām̄ najə̄ ń toō tə́ n Kɔ́ɔ̄ɓē a ədadə́ tītə̄ ń toō beé ō ní: Bababa, bababa, dadada, dododo! Loo ń noō tə́ dan ń a njə̄rān̄ anī, a əsōn̄ gagəra ndaa ō, kə̄ngādə́ a tetə ō, a əsōn̄ kum gūmbə̄ tə́ ō, a əhɔn̄də́ dəngáy ō.

IJAI 42:20

Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.