IJAI 6:8 - Bibəl ta Sar̄

⁸ Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

Bible sar

⁸ Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

IJAI 6:8 Referans Kwoze

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

IJAI 65:1

Kɔ́ɔ̄ɓē əda na: M-ə̄ndā dɔ rɔ̄ḿ danaá kɔ̄ɔ́ yā kadə̄ m̄-dal najə̄, banī deē dəjem̄ najə̄ alé. M-ə̄ndā dɔ rɔ̄ḿ danaá kɔ̄ɔ́ tām̄ yā kəla tə́, banī de kə́ yā sāā njaḿ kadə̄ m̄-rāā seneé gətóo. M-ə́dá nápar de gə̄ kə́ ɓāŕmə̄n̄ kadə̄ m̄-rāā sedə́ alé na: Mā i laā, mā i laā!

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

TA KƏLA 1:26

Ta tɔ̄l̄ ta anī Nə́ɓā əda na: Jə-rāāī de gə̄ kə́ teēn̄jí, kə́ ton̄ tītə̄jí, ādə̄ ndin̄ dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ kə́ ɓēé gə̄ tə́ ō, dɔ dā̰ kə́ bembeé gə̄ tə́ ō, dɔ ngán dā̰ kə́ kagə nang tə́ gə̄ tə́ ō.

TA KƏLA 11:7

Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

EJEKIEL 1:24

Dan ń nin̄ a ndɔ́tə̄n̄ loo anī m-ōō kōō bɔ̄gə̄də́ ń a ɓār̄ ní. Ɓār̄ tītə̄ kōō bā bo beé, tītə̄ ndū Nə́ɓā kə́ tɔ́gən i ngá̰ý beē, aláa tītə̄ kōō ngé rɔ̄ɔ̄ kə́ ngá̰ý gə̄ beé. Dan ń nin̄ dəban̄ anī, nin̄ télən̄ kə bɔ̄gə̄də́ kə̄ nang tə́.

1 MBAN̄G GƏ̄ 22:20

Anī Kɔ́ɔ̄ɓē dəje na ké i náā n ndigə kaw̄ gól̄ Akab kadə̄ ənī ɓē kə́ Ramot kə́ Galaad rɔ̄ɔ̄ kadə̄ tɔ̄lə̄n̄ Akab tū tə́ ní wa. Anī deē kógə̄ḿ əda yān i beé, ba de kə́ rang əda yān i beé.

EJEKIEL 10:5

Kōō bɔ̄gə̄ Serubḛ gə̄ ń a ɓār̄ ní, deē ra i ndágə loo kə́ gīr̄ gidə kújə yā Kɔ́ɔ̄ɓē kə́ ndágá tə́ gə̄gē anī a oō. Kōō bɔ̄gə̄də́ ní ɓār̄ tītə̄ ndán̄g man̄ beé, i ndū Nə́ɓā kə́ tɔ́gən i ngá̰ý.

TA KƏLA 3:22

Gō tə́ anī ni-əda na: De gə̄ tél ton̄ tītə̄ Nə́ɓā tɔdɔ̄ gerə̄n̄ kɔr̄ nin̄ yá̰á̰ kə́ majə ō, yá̰á̰ kə́ majaĺ ō, naā tə́ ní, majə kadə̄ m-ɔ̄gə̄də́ kəla jīdə́ kəjań kan̄ kāgə̄ kə́ deē əsa anī a ndi kə kumuú, na sōgə́ əsan̄ anī ndin̄ kə kumdə́ ngándáńg.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

KƏLA RĀĀ 26:19

Adə̄ mban̄g Agəripa, m̄-mbātə́ najə̄ ta yá̰á̰ kə́ dɔ rā̰ tə́ ń m-á̰a̰ā̰ ní tə́ alé.

1 SAMUEL 3:4

Kɔ́ɔ̄ɓē ɓāŕ Samuel anī Samuel ndigən na: Mā n toó.

EJEKIEL 9:1

Gō tə́ anī, m-ōō Kɔ́ɔ̄ɓē əda najə̄ kə ndūn kə́ kə tɔ́gɔ́ na: Sḭḭ̄ gə̄ ń əndān̄ dɔsí tə́ kadə̄ ī-rāāī yá̰a̰ kə ɓē kə́ Jerusalem ní, ī-reēī kə̄ ngɔr. Sḭḭ̄ kógə̄ḿ kógə̄ḿ ní, ādə̄ náā nəkɔ́ ɓáa un yá̰a̰ rɔ̄ɔ̄ yān kə́ yā nujəń ɓē.

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

TA KƏLA 22:11

anī nge kaw̄ kəla yā Kɔ́ɔ̄ɓē ndi dɔ rā̰ tə́ ɓārə́n na: Abəraham! Abəraham! Anī Abəraham ndigə na: Mā n toó.

2 SAMUEL 1:7

Ni-tūr̄ rɔ̄n a̰a̰m̄ anī ɓārə́m̄. m̄-ndigən m-ə́da na: Mā n toō.