IJAI 6:6 - Bibəl ta Sar̄

⁶ Banī Serubḛ kə́ ndə́lē gə̄ ní, kógə̄ḿ ḭḭ bɔ̄gə̄ reē rɔ̄ḿ tə́. Ni əhɔ yā̰l̄ hor kógə̄ḿ kə́ təngā ngá̰ý jīn tə́. Un yā̰l̄ hor ní dɔ loo tun̄ yá̰á̰ tə́ i kə gində̄ kun hor kə́ ta laá.

Bible sar

⁶ Banī *Serubḛ kə́ ndə́lē gə̄ ní, kógə̄ḿ ḭḭ bɔ̄gə̄ reē rɔ̄ḿ tə́. Ni əhɔ yā̰l̄ hor kógə̄ḿ kə́ təngā ngá̰ý jīn tə́. Un yā̰l̄ hor ní dɔ *loo tun̄ yá̰á̰ tə́ i kə gində̄ kun hor kə́ ta laá.

IJAI 6:6 Referans Kwoze

EJEKIEL 10:2

Nə́ɓā əda deē ń o̰o̰ kūbə̄ lḛ́ḛ́ ní na: Ī-mān̄ mbo̰ō̰ nja púsə gə̄ ń i gír Serubḛ gə̄ tə́ ní, ba ɔ́y yā̰l̄ hor kə́ ajə ying ń to mbənā Serubḛ gə̄ tə́ ní ādə̄ rosə kem jīí ō, āw̄ ī-ɓōkə́ dɔ ɓē tə́ ō. Anī m-á̰a̰ deē ní loo kaw̄ tə́ mbo̰ō̰ nja púsə gə̄ tə́.

HEBƏRO 13:10

Jḭḭ̄ j-awī kə loo tun̄ yá̰á̰ kə́ ngé gə̄ ń rāān̄ kəla yā Nə́ɓā kem kújə tandā yā Moijə tə́ ní asən̄ kəsa yá̰a̰ ndējə̄ kə́ tun̄ dɔ tə́ alé.

HEBƏRO 1:7

Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

IJAI 6:2

Serubḛ gə̄ kə́ nin̄ i hor gə̄ ran̄ dɔn tə́ dɔɔ́. Nin̄ kógə̄ḿ kógə̄ḿ ní bɔ̄gə̄də́ gə̄ i mehḛ́ mehḛ́: Kə́ jōó gə̄ a utə̄n̄nəń i ta kumdə́ ō, kə́ jōó gə̄ a utə̄n̄nəń i gidə rɔ̄də́ kə́ ta kaw̄ nang tə́ ō, kə́ jōó gə̄ i yā kḭḭń bɔ̄gə̄ ō.

LEBI GƏ̄ 16:12

Ni a ɔy yā̰l̄ hor kə́ dɔ loo róō ndujə̄ yá̰á̰ kə́ kotə majə ń ra no Kɔ́ɔ̄ɓē tə́ ní, kadə̄ rosə kem ganán ō, a ɔy kajaja kem jīn jōó ō, ba a udəń kem loo kə́ táĺ ngá̰ý ń gāngə̄n̄ gír kə kūbūú ní.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

KƏLA RĀĀ 2:3

Anī nin̄-a̰a̰n̄ yá̰á̰ kə́ tītə̄ ta ndo̰ hor gə̄ beé teēn̄ hɔy kə̄ rɔ̄də́ tə́. Yá̰a̰ gə̄ ní kēgə̄n̄ naā ba reē əhɔn̄ loo dɔdə́ gə̄ tə́ kógə̄ḿ kógə̄ḿ.

MATIYE 3:11

Mā m̄-rāāsí batém i kadə̄ ī-tūrīneé háĺsí. Ba nge ń a reē gōḿ tə́ ní, tɔ́gən tɔȳ yāḿ mā. Kɔr̄ sākə̄rā kə́ njan tə́ gə̄gē ngóý ní, mā m-ásə alé. Ni a rāāsí batém kum Ndíĺ kə́ Táĺ tə́ ō, kum hor tə́ ō.

Teē Ngán Israel gə̄ 25:38

A rāān̄ yá̰a̰ kūsə́ ta kəlā hor gə̄ ō, yá̰a̰ kɔy bū hor gə̄ ō, kə́ tām̄ yā ɗəra hor ní tə́ i kə lɔ́ŕ kə́ unjə̄ njáý njáý.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.