IJAI 6:4 - Bibəl ta Sar̄

⁴ Ndūdə́ rāā bápə gə̄ adə̄ ndewn̄ dɔ gində̄də́ ń a rə̄ngōn̄ gidə tə́ ní tə́ ō, sa taā loo kem kújə yā Kɔ́ɔ̄ɓē tə́ ō.

Bible sar

⁴ Ndūdə́ rāā bápə gə̄ adə̄ ndewn̄ dɔ gində̄də́ ń a rə̄ngōn̄ gidə tə́ ní tə́ ō, sa taā loo kem *kújə yā Kɔ́ɔ̄ɓē tə́ ō.

IJAI 6:4 Referans Kwoze

JEJU TEĒ KUM JA̰A̰ 15:8

Sa ń i yá̰á̰ kə́ ɔsə kum gotə kɔsə gɔn yā Nə́ɓā ō, tɔ́gən ō ní, taā kem kújə yā Kɔ́ɔ̄ɓē malang. Deē asə kudə kem kújə yā Kɔ́ɔ̄ɓē tə́ alé, bátə́ kadə̄ gíŕ yá̰á̰ kə́ tōr̄ kə́ sīrí gə̄ yā de kə́ dɔ rā̰ tə́ kə́ sīrí gə̄ ní gān̄g pá tá.

JEJU TEĒ KUM JA̰A̰ 11:19

Ta kújə yā Nə́ɓā kə́ dɔ rā̰ tə́ teē ra wōyōó, anī m-á̰a̰ sandúkə madə̄ naā yān kemeé. Loo ń noō tə́ man̄ tel̄ ō, ndū de gə̄ ɓār̄ ō, man̄ ndang ō, dɔ nang ndew ō, kɔ̄sə̄ tə́sō ngá̰ý ō.

EJEKIEL 10:5

Kōō bɔ̄gə̄ Serubḛ gə̄ ń a ɓār̄ ní, deē ra i ndágə loo kə́ gīr̄ gidə kújə yā Kɔ́ɔ̄ɓē kə́ ndágá tə́ gə̄gē anī a oō. Kōō bɔ̄gə̄də́ ní ɓār̄ tītə̄ ndán̄g man̄ beé, i ndū Nə́ɓā kə́ tɔ́gən i ngá̰ý.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

AMOS 9:1

M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.

PĀ GƏ̄ 18:8

Loo ń noō tə́ wōn̄g rāā Kɔ́ɔ̄ɓē adə̄ dɔ nang yéȳ ō ndebə ō. Ngəra mbal̄ gə̄ ndāmə̄n̄ ngin ngin ō yéȳn̄ ō.

EJEKIEL 1:24

Dan ń nin̄ a ndɔ́tə̄n̄ loo anī m-ōō kōō bɔ̄gə̄də́ ń a ɓār̄ ní. Ɓār̄ tītə̄ kōō bā bo beé, tītə̄ ndū Nə́ɓā kə́ tɔ́gən i ngá̰ý beē, aláa tītə̄ kōō ngé rɔ̄ɔ̄ kə́ ngá̰ý gə̄ beé. Dan ń nin̄ dəban̄ anī, nin̄ télən̄ kə bɔ̄gə̄də́ kə̄ nang tə́.

EJEKIEL 41:16

Kāgə̄ ta ko̰rō̰ kújə gə̄ ō, róbə́ kə́ yā mānəń gə̄ ō ń ton̄ kə gō gidə looó kem kújə́ kə́ mətá gə̄ ń ndin̄ dɔ naā tə́ ta kaw̄ dɔɔ́ tə́ ní, utə̄n̄ gidədə́ kə kāgāá ō. Loo i kāgə̄ malang, əla gír nang tə́ bátə́ ugə̄ń tū ko̰rō̰ kújə gə̄ tə́. Ko̰rō̰ kújə gə̄gē utə̄n̄ gidə kɔ̄ɔ́ kə kāgə̄ kə́ laa mbé mbé.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.