IJAI 6:3 - Bibəl ta Sar̄

³ Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

Bible sar

³ Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! *Kɔsə gɔn yān taā loo malang dɔ nang tə́!

IJAI 6:3 Referans Kwoze

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

ESDRAS 3:11

Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

TƏ́DA 14:21

Ba ré m̄-ndi kə kumuú rɔ̄kum ō, kɔsə gɔn yāḿ taā loo dɔ nang tə́ malang rɔ̄kum ō anī,

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

IJAI 24:16

J-oō pā ń toō ta ngóy dɔ nang tə́: Kɔsə gɔn i yā Nə́ɓā kə́ nge rāā yá̰á̰ kə́ gōtə́! Banī mā m-ə́da na: Taḿ tḭ̄ḭ̄ kɔ̄ɔ́, taḿ tḭ̄ḭ̄ kɔ̄ɔ́, i yá̰á̰ kə́ to kum kaȳ aĺ kə́ ba̰ý beē tām̄ yāḿ mā tə́! Ngé tél kɔ̄ɔ́ gō de gə̄ tə́ gə̄ teēn̄ kə gír madə̄də́ gēé dɔɔ́. Teē kə gír naá dɔɔ́!

PĀ GƏ̄ 57:11

Tɔdɔ̄ kem majə yāí aw̄ bátə́ ugə̄ dɔ rā̰ tə́ ō, ra dɔ ndūí tə́ yāí aw̄ bátə́ ugə̄ rɔ̄ kil̄ man̄ gə̄ tə́ dɔɔ́ ō.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

HABAKUK 2:14

A̰á̰ā̰, de gə̄ malang a gerə̄n̄ kɔsə gɔn yā Kɔ́ɔ̄ɓē. Kɔsə gɔn ní a taā loo malang dɔ nang tə́, tītə̄ ń man̄ rosəń kem kār̄ bā bo gə̄ tə́ ní.

PĀ GƏ̄ 90:16

Ādə̄ ngé kəla yāí gə̄ a̰a̰n̄ kəla rāāí kə kumdə́ ō, ādə̄ ngáńdə́ gə̄ a̰a̰n̄ ndə́lē ń ī-ndə́lē ngá̰ý ní ō.

PĀ GƏ̄ 97:6

Dɔ rā̰ ənī mbēr̄ dɔ háĺ kə́ gōtə́ yān tə́ ō, gír de gə̄ malang a̰a̰n̄ kɔsə gɔn yān ō.

PĀ GƏ̄ 99:3

Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.

PĀ GƏ̄ 8:2

Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

PĀ GƏ̄ 66:2

Ī-tɔ̄yī rīn kə pā gēé, ɔ́siī gɔnən kə tɔ̄yɔ̄ɔ́,

PĀ GƏ̄ 99:9

Ɔ́siī gɔn Kɔ́ɔ̄ɓē Nə́ɓā yājí. Ɔ́siī nosí nang tə́ kumsí sɔɔ̄ mbal̄ yān kə́ táĺ, tɔdɔ̄ Kɔ́ɔ̄ɓē Nə́ɓā yājí i de kə́ táĺ!