IJAI 6:2 - Bibəl ta Sar̄

² Serubḛ gə̄ kə́ nin̄ i hor gə̄ ran̄ dɔn tə́ dɔɔ́. Nin̄ kógə̄ḿ kógə̄ḿ ní bɔ̄gə̄də́ gə̄ i mehḛ́ mehḛ́: Kə́ jōó gə̄ a utə̄n̄nəń i ta kumdə́ ō, kə́ jōó gə̄ a utə̄n̄nəń i gidə rɔ̄də́ kə́ ta kaw̄ nang tə́ ō, kə́ jōó gə̄ i yā kḭḭń bɔ̄gə̄ ō.

Bible sar

² *Serubḛ gə̄ kə́ nin̄ i hor gə̄ ran̄ dɔn tə́ dɔɔ́. Nin̄ kógə̄ḿ kógə̄ḿ ní bɔ̄gə̄də́ gə̄ i mehḛ́ mehḛ́: Kə́ jōó gə̄ a utə̄n̄nəń i ta kumdə́ ō, kə́ jōó gə̄ a utə̄n̄nəń i gidə rɔ̄də́ kə́ ta kaw̄ nang tə́ ō, kə́ jōó gə̄ i yā kḭḭń bɔ̄gə̄ ō.

IJAI 6:2 Referans Kwoze

JEJU TEĒ KUM JA̰A̰ 4:8

Yá̰á̰ kə́ kə kumuú kə́ sɔ́ gə̄ ní, bɔ̄gə̄də́ gə̄ i mehḛ́ mehḛ́ kə dɔdə́ gēé. Kumdə́ i ngá̰ý gidə bɔ̄gə̄də́ gə̄ ní tə́ ō, kemeé ō. Kadaá gē ndɔ̄ɔ́ gē ní, nin̄-ədan̄ kanjə̄ taā koō na: Kɔ́ɔ̄ɓē Nə́ɓā ń i de kə́ bo kə́ tɔ́gən i ngá̰ý ní, ni i kə́ táĺ táĺ táĺ. Ni i Nge ń ndi kété ō, ndi ngɔlaā ō, a reē ō ní.

EJEKIEL 1:11

Bɔ̄gə̄də́ kə́ jōó gə̄ ń jā̰ā̰n̄ kum kə̄ dɔɔ́ ní, tadə́ ɔdə naā ō, bɔ̄gə̄də́ kə́ jōó gə̄ utə̄nəń gidə rɔ̄də́ ō.

PĀ GƏ̄ 104:4

Ni-rāā nél i ngōmbang kəla yān tə́ ō, rāā ta ndo̰ hor i de kə́ bo yān gə̄ tə́ ō.

PĀ GƏ̄ 103:20

Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō, ā ī-rāāī yá̰a̰ gə̄ ń ni ədasí kadə̄ ī-rāāī ní ō, ōōī tan ō ní, ī-ɓōkə́niī tɔ̄ȳ.

IJAI 6:6

Banī Serubḛ kə́ ndə́lē gə̄ ní, kógə̄ḿ ḭḭ bɔ̄gə̄ reē rɔ̄ḿ tə́. Ni əhɔ yā̰l̄ hor kógə̄ḿ kə́ təngā ngá̰ý jīn tə́. Un yā̰l̄ hor ní dɔ loo tun̄ yá̰á̰ tə́ i kə gində̄ kun hor kə́ ta laá.

PĀ GƏ̄ 18:10

Kɔ́ɔ̄ɓē tetə ta dɔ rā̰ kə̄ nang tə́ ba risə. Kil̄ man̄ kə́ ndul ndḭ́ ndḭ́ i gír njan tə́.

JEJU TEĒ KUM JA̰A̰ 14:6

Anī m-á̰a̰ de kə́ dɔ rā̰ tə́ kə́ rang nēl̄ ɓōdə̄ rā̰ tə́ dɔɔ́ sa̰y. Ni-aw̄ kə Najə̄ kə́ Majə kə́ to ngándáńg yā kəda de gə̄ ń ndin̄ dɔ nang tə́ ní. Adə̄ i nápar de gə̄ malang ō, gír ɓē gə̄ malang ō, gír ta gə̄ malang ō, gír de gə̄ malang ō.

JEJU TEĒ KUM JA̰A̰ 8:13

Anī m-á̰a̰ kə̄rō kógə̄ḿ nēl̄ ɓōdə̄ rā̰ tə́, ba un ndūn kə̄ dɔɔ́ ngá̰ý ədań na: Rɔ̄ tō ndoō, rɔ̄ tō ndoō, rɔ̄ tō ndoō i yā de kə́ dɔ nang tə́ gə̄, dan ń gotə de kə́ dɔ rā̰ tə́ kə́ mətá gə̄ a kɔ̄rə́n̄ bərúnjə gə̄ ní.

JEJU TEĒ KUM JA̰A̰ 7:11

Anī de kə́ dɔ rā̰ tə́ gə̄ malang ń ra gīrə̄n̄ gidə kōr̄ kāgə̄ mbang ō, kum kɔɔ̄ gə̄ ō, yá̰á̰ kə́ kə kumuú kə́ sɔ́ gə̄ ō ní, əsō ɔsən̄ nodə́ nang tə́ no kōr̄ kāgə̄ mbang tə́, ba rɔȳn̄ Nə́ɓā

DANIEL 7:10

Hor kógə̄ḿ kə́ to tītə̄ bā beé a əɓa non tə́ ō, a nūgə́ non tə́ ō. De gə̄ dūbú nja dūbú ra a rāān̄ kəla yān. De gə̄ dūbú kutə nja dūbú kutə ran̄ non tə́. Sarya əla gír adə̄ teēn̄ makətūbə̄ gə̄.

EJEKIEL 10:21

Nin̄ kógə̄ḿ kógə̄ḿ ní ta kumdə́ i sɔ́ sɔ́ ō, bɔ̄gə̄də́ i sɔ́ sɔ́ ō, jī kə́ to tītə̄ jī deē i gír bɔ̄gə̄də́ gə̄ tə́ ō.

EJEKIEL 1:24

Dan ń nin̄ a ndɔ́tə̄n̄ loo anī m-ōō kōō bɔ̄gə̄də́ ń a ɓār̄ ní. Ɓār̄ tītə̄ kōō bā bo beé, tītə̄ ndū Nə́ɓā kə́ tɔ́gən i ngá̰ý beē, aláa tītə̄ kōō ngé rɔ̄ɔ̄ kə́ ngá̰ý gə̄ beé. Dan ń nin̄ dəban̄ anī, nin̄ télən̄ kə bɔ̄gə̄də́ kə̄ nang tə́.

EJEKIEL 1:9

Ta bɔ̄gə̄də́ gə̄ ɔdə naā. Nin̄ njə̄rān̄ i kumdə́ súmūú kanjə̄ tūr̄ rɔ̄də́.

EJEKIEL 1:6

Nin̄ kógə̄ḿ kógə̄ḿ ní ta kumdə́ i sɔ́, sɔ́, kə dɔdə́ gēé ō, bɔ̄gə̄də́ gə̄ i sɔ́, sɔ́ kə dɔdə́ gēé ō.

Makətūbə̄ yā Job 15:15

De kə́ táĺ gə̄ yā Nə́ɓā gə̄gē Nə́ɓā ənī kemən adə̄də́ aĺ ō, dɔ rā̰ i kə́ unjə̄ njáý njáý ta kumən tə́ aĺ ō.

Makətūbə̄ yā Job 1:6

Ndɔ̄ kógə̄ḿ tə́ anī de gə̄ kə́ dɔ rā̰ tə́ yā Nə́ɓā reēn̄ kɔjə Kɔ́ɔ̄ɓē gotə yá̰a̰ gə̄ ń rāān̄ yá̰á̰ tə́ ní, anī Sətan, nge sekə́ de gə̄, reē ra ta kum Kɔ́ɔ̄ɓē tə́ sedə́ ō.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

1 MBAN̄G GƏ̄ 8:7

Tɔdɔ̄ ngé ngɔ̄m̄ loo gə̄ ní jā̰n̄ bɔ̄gə̄də́ dɔ loo ń kadə̄ sandúkə madə̄ naā ndi tū tə́ ní, yā kutə̄ń dɔ sandúkə ō, dɔ sáā kāgə̄ kə́ yā kətōń gə̄ ō.

1 MBAN̄G GƏ̄ 6:27

Tə́ndān̄ de kə́ dɔ rā̰ tə́ gə̄ ní i kem kújə́ kə́ táĺ ngá̰ý tə́ danaá bang. De kə́ dɔ rā̰ tə́ gə̄ ní jā̰n̄ bɔ̄gə̄də́, adə̄ nge kə́ ta kəga dɔ ní bɔ̄gə̄n kógə̄ḿ ɔdə kadə ndogə̄ mbal̄ ō, nge kə́ ko̰ jōó ní bɔ̄gə̄n kógə̄ḿ ɔdə kadə ndogə̄ mbal̄ ō. Ba gotə bɔ̄gə̄də́ kə́ jōó gə̄ ní, tadə́ ɔdə naā dan kújú bang.

Teē Ngán Israel gə̄ 37:9

De kə́ dɔ rā̰ tə́ gə̄ ní tūrə̄n̄ kumdə́ kə̄ rɔ̄ naā tə́ a̰a̰n̄neé loo kum kə̄ dɔ ta sandúkə́ ń jā̰n̄ bɔ̄gə̄də́ utə̄n̄neé dɔ ní tə́.

Teē Ngán Israel gə̄ 25:20

A tūrə̄n̄ kumdə́ kə̄ rɔ̄ naā tə́ yā kadə̄ a̰a̰n̄ loo kum kə̄ dɔ ta sandúkə́ ń jā̰n̄ bɔ̄gə̄də́ utə̄n̄neé dɔ ní tə́.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

Makətūbə̄ yā Job 4:18

Ré ngé kəla gə̄ yā Nə́ɓā nəkɔ́ gə̄gē ni-ənī kemən adə̄də́ alé, ré de gə̄ yā Nə́ɓā kə́ dɔ rā̰ tə́ gə̄gē ni-a̰a̰ háĺ kə́ gōtə́ aĺ rɔ̄də́ tə́ anī,

1 MBAN̄G GƏ̄ 19:13

Dan ń Eli oō kōō néĺ ní anī, utə̄ ta kumən kɔ̄ɔ́ kə kūbə̄ yānneé. Ni teē aw̄ ra ndágá ta bəlo mbal̄ tə́, anī ndū deē ń ɔr̄ najə̄ seneé kété ní tél ɔr̄ najə̄ seneé ɓáý to̰ əda na: Eli, ā ī-rāā i rí laā?

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

TA KƏLA 17:3

Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:

HEBƏRO 1:7

Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

Najə̄ kə́ Majə yā Jeju ń Luk ndang ní 1:10

Kósə ngán Israel gə̄ malang ran̄ ndágá ra a ndɔ̄ȳn̄ kum mbang ndējə̄ Nə́ɓā ndujə̄ yá̰á̰ kə́ kotə majə tə́.

JAKARI 3:4

De kə́ dɔ rā̰ tə́ ní əda de kə́ seneé gə̄ kadə̄ ɔrə̄n̄ kūbə̄ kə́ rɔ̄ Yesua tə́ kɔ̄ɔ́. Gō tə́ anī, ni-əda Yesua na: Á̰a̰ā̰, m-ún yá̰a̰ rāāí kə́ gōtə́ aĺ gə̄ dɔí tə́ kɔ̄ɔ́ ō, ā ásə kəla kūbə̄ pétə rɔ̄í tə́ ō.

DANIEL 9:21

Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā yá̰a̰ tun̄ kə́ loo tíbí tə́.

EJEKIEL 10:16

Dan ń nin̄ aw̄n̄ kum kə̄ kété anī, nja púsə gə̄ ní aw̄n̄ kum kə̄ kété sedə́ ō. Dan ń Serubḛ gə̄ ní jā̰ā̰n̄ bɔ̄gə̄də́ yā kḭḭń nang tə́ kum kə̄ dɔɔ́ anī, nja púsə gə̄ ní ɔrə̄n̄ rɔ̄də́ kɔ̄ɔ́ rɔ̄də́ tə́ aĺ ō.

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.