IJAI 6:11 - Bibəl ta Sar̄

¹¹ m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

Bible sar

¹¹ m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 6:11 Referans Kwoze

IJAI 1:7

Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

PĀ GƏ̄ 94:3

Ngé kem ndul gə̄ a tetən̄ rɔ̄ɔ̄ i bátə́ ta kə́ rá? Kɔ́ɔ̄ɓē, i bátə́ ta kə́ rá?

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

PĀ GƏ̄ 79:5

Kɔ́ɔ̄ɓē, ā ī-rāā wōn̄g kə́ dan gān̄g aĺ sejí i bátə́ ta kə́ rá? Jang yāí a o̰o̰ loo kə́ hor tə́ i bátə́ ta kə́ rá?

PĀ GƏ̄ 74:10

Nə́ɓā, madə̄ ba̰ā̰í a ndájə̄ najə̄ dɔí tə́ i bátə́ ta kə́ rá? A asən mbóo kə rīí i rə́ngáý tə́?

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

IJAI 13:12

M-ā m̄-rāā kadə̄ loo kənge deē ndul i yá̰á̰ kə́ tōr̄ tɔȳ loo kənge lɔ́ŕ kə́ unjə̄ njáý njáý, tɔȳ loo kənge lɔ́ŕ kə́ Opir.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 22:6

Najə̄ ń Kɔ́ɔ̄ɓē əda dɔ kújə yā mban̄g kə́ Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 52:27

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

DANIEL 8:13

Loo ń noō tə́ m-ōō ndū de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

MISE 6:13

I tām̄ najə̄ ń toō tə́ n m-ə́lá gír kəndasí ní, m-ə́lá gír nujəsí kɔ̄ɔ́ najə̄ mān̄ dɔ ndū Nə́ɓā yāsí gə̄ tə́ ní.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

NDŪ NAJƏ̄ 28:62

Sḭḭ̄ ń kutəsí asə naā kə kutə tə́yō̰ gə̄ kə́ dɔ rā̰ tə́ ní, ā ī-tél ā ī-na̰yiī i sḛ́ý beē, tɔdɔ̄ ōō ta Kɔ́ɔ̄ɓē Nə́ɓā yāí alé.

NDŪ NAJƏ̄ 28:63

Tītə̄ ń ka̰a̰ gōsí kadə̄ ī-ndiī majə ō, rāā kadə̄ kutəsí i ngá̰ý ō, i yá̰á̰ kə́ nel̄ Kɔ́ɔ̄ɓē ngá̰ý ní, yá̰á̰ ń a tél yā nelə̄n ní i kəndā kumən gōsí tə́ yā rāań kadə̄ sḭḭ̄ ī-gətóoī kɔ̄ɔ́ ō, yā nujəńsí kɔ̄ɔ́ malang ō. Ni a ngḭ̄sí yā kɔr̄sí kɔ̄ɔ́ dɔ nang ń ā āwī kə̄ tū tə́ yā taā ní.

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.