IJAI 6:1 - Bibəl ta Sar̄

¹ I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

Bible sar

¹ I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem *kújə yā Kɔ́ɔ̄ɓē tə́ malang.

IJAI 6:1 Referans Kwoze

JA̰A̰ 12:41

Ijai ɔr̄ najə̄ beé i tām̄ ni-a̰a̰ kɔsə gɔn yā Jeju, adə̄ ni-ɔr̄ i najə̄ yān.

JEJU TEĒ KUM JA̰A̰ 15:8

Sa ń i yá̰á̰ kə́ ɔsə kum gotə kɔsə gɔn yā Nə́ɓā ō, tɔ́gən ō ní, taā kem kújə yā Kɔ́ɔ̄ɓē malang. Deē asə kudə kem kújə yā Kɔ́ɔ̄ɓē tə́ alé, bátə́ kadə̄ gíŕ yá̰á̰ kə́ tōr̄ kə́ sīrí gə̄ yā de kə́ dɔ rā̰ tə́ kə́ sīrí gə̄ ní gān̄g pá tá.

DANIEL 7:9

m̄-na̰y kə̄ loo ka̰a̰ yá̰á̰ tə́ ɓáý: Tə́ndān̄ kōr̄ kāgə̄ mbang gə̄, anī deē kógə̄ḿ kə́ tɔgə ɓə́ga reē ndi. Kūbə̄ kə́ rɔ̄n tə́ na tītə̄ búy kūbə̄ beé nənga dɔn to tītə̄ bḭḭ̄ batə̄ kə́ ndaa kə́ tə́go beé ō. Kōr̄ kāgə̄ mbang yān i kə́ rāā kə ndo̰ horoó ō, njan kə́ gōr̄ gə̄ i kə́ rāā kə hor kə́ unjūú ō.

PĀ GƏ̄ 113:5

I náā n to tītə̄ Kɔ́ɔ̄ɓē Nə́ɓā yājí ní? Ni-ndi i dɔɔ́ sa̰y nú.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

PĀ GƏ̄ 108:5

Tɔdɔ̄ kem majə yāí bo tɔȳ dɔ rā̰ ō, najə̄ yāí kə́ rɔ̄kum aw̄ bátə́ ugə̄ rɔ̄ kil̄ man̄ gə̄ tə́ ō.

JEJU TEĒ KUM JA̰A̰ 4:2

Anī kə̄ ta jī tə́ noō Ndíl əhɔm̄, ba yá̰á̰ ń m-á̰a̰ā̰ ní n toó: Kōr̄ kāgə̄ mbang kógə̄ḿ i kə́ kəndā dɔ rā̰ tə́ ō, deē kógə̄ḿ ndi dɔ tə́ ō.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

JEJU TEĒ KUM JA̰A̰ 5:1

Anī m-á̰a̰ makətūbə̄ kógə̄ḿ kə́ ndangən̄ yá̰a̰ kemeé ō, gidə tə́ ō, kə́ ɔsən̄ mbō̰ tū tə́ gír loo sīrí ō, jī ko̰ nge ń ndi dɔ kōr̄ kāgə̄ mbang tə́ ní.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

TƏ́DA 12:8

M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

IJAI 12:4

Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

JEJU TEĒ KUM JA̰A̰ 6:16

Nin̄-ədan̄ mbal̄ bo gə̄ ō, ngán mbal̄ gə̄ ō na kə tə́sōn̄ dɔdə́ tə́ ba kə ɓɔ̄ɔ̄n̄də́ kɔ̄ɔ́ sa̰y ta kum nge ń ndi dɔ kōr̄ kāgə̄ mbang tə́ ní ō, ta wōn̄g yā Ngōn̄ batə̄ tə́ ō.

2 MBAN̄G 15:7

Ajaria oy aw̄ gō kaan gə̄ tə́. Dubə̄nən̄ i kem bāá ɓádə yā kaan gə̄ tə́, kem ɓē yā Dabid tə́. I ngōnən Yotam n o̰o̰ ɓē gotən tə́ ní.

JEJU TEĒ KUM JA̰A̰ 5:7

Ngōn̄ batə̄ ní njə̄rā kə̄ kété yā taā makətūbə̄ kə́ jī ko̰ nge ń ndi dɔ kōr̄ kāgə̄ mbang tə́ ní.

JEJU TEĒ KUM JA̰A̰ 4:3

Ba nge ń ndi dɔ kōr̄ kāgə̄ mbang tə́ ní ndə́lē tītə̄ mbal̄ jaspə ō, mbal̄ sarduan ō, tá kə́ dēsə́ bā kə́ ndə́lē tītə̄ mbal̄ emerodə gīr̄ gidə kōr̄ kāgə̄ mbang ní ō.

JEJU TEĒ KUM JA̰A̰ 4:9

Kə dɔ kɔsə ń yá̰á̰ kə́ kə kumuú kə́ sɔ́ gə̄ ní a ɔsənə̄ń gɔn nge ń ndi dɔ kōr̄ kāgə̄ mbang tə́, adə̄ i nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, kə dɔ rɔȳ ń nin̄ a rɔȳnən̄ ō, a ndadə̄ adə̄nən̄ ō ní,

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

2 YÁ̰A̰ GƏ̄ 18:18

Banī Mise əda ɓáý to̰ na kə oōn̄ najə̄ ń Kɔ́ɔ̄ɓē əda ní, tɔdɔ̄ na na̰a̰ Kɔ́ɔ̄ɓē ndi dɔ kōr̄ kāgə̄ mbang yān tə́ ō, ngé kəla yān kə́ dɔ rā̰ tə́ gə̄ malang na ran̄ kə njadə́ dɔɔ́ dɔ jī ko̰n tə́ ō, jī gelən tə́ ō.

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

DANIEL 10:17

Dan ń tɔ́gə́ḿ mā nge kəla yā kɔ́ɔ̄ḿ ń ra toó gətóo ō, koōḿ gətóo ō ní, m-ā m-ɔ̄r̄ najə̄ kə kɔ́ɔ̄ḿ i ba̰ý?

Teē Ngán Israel gə̄ 24:9

Gō tə́ anī Moijə al̄ dɔ mbalá kə Aaro̰ ō, Nadab ō, Abihu ō, kum kɔɔ̄ kə́ kutə sīrí gə̄ yā ngán Israel gə̄ ō.

Makətūbə̄ yā Job 42:5

Kété ní, m̄-gerī i kə ta kūl̄ najə̄ yāí kə́ ədan̄ adə̄ m-ōō ngóy. Ba ngɔlaā ní, m-á̰a̰ī kə kumḿ.