IJAI 59:9 - Bibəl ta Sar̄

⁹ I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

Bible sar

⁹ I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

IJAI 59:9 Referans Kwoze

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

Makətūbə̄ yā Job 30:26

M-ə̄ndā kemḿ dɔ ndi majə tə́ anī, i yá̰á̰ kə́ tōr̄ n teē kə̄ ta róbə́ tə́ ní. m̄-ndi m-ā m̄-ngóō i loo kə́ unjə̄ kow, anī i loo kə́ risə til n reē ugə̄.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

MISE 1:12

Ɓōĺ rāā de kə́ Marot gə̄ adə̄ ndewn̄ najə̄ yá̰a̰ kənge yādə́ tə́. Tɔdɔ̄ yá̰á̰ kə́ to kum kaȳ aĺ ń Kɔ́ɔ̄ɓē əlań ní, reē ugə̄ ta róbə́ kə́ Jerusalem tə́.

JEREMI 14:19

Ḭ̄ ī-mbātə́ Juda kə̄ noí tə́ a? Nelī kə Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

JEREMI 8:15

Jə-ngóōī kadə̄ rɔ̄jí ngan̄g, ba yá̰á̰ kə́ to ngáā gətóo. Jə-ngóōī kum mbang kə́ kadə̄ rɔ̄jí ngangə̄ń, ba i ɓōĺ n rāājí ní.

PĀ GƏ̄ 82:5

Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

IJAI 8:21

De gə̄ a əndan̄ dan ɓē yā gān̄g, kə yá̰á̰ kə́ tɔȳ tɔ́gə́də́ ō, kə ɓōó ō. Dan ń ɓō rāādə́ ní, ta tɔ̄l̄ ta anī a ndɔ̄lə́n̄ mban̄g yādə́ ō, Nə́ɓā yādə́ ō. Nin̄ a tūrə̄n̄ kumdə́ kə̄ dɔ rā̰ tə́,

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

IJAI 59:8

Sḭḭ̄ ī-gerī róbə kem sɔl̄ alé, loo ń sḭḭ̄ ī-njə̄rāī tū tə́ ní, deē a ənge yá̰á̰ kə́ súmūú tū tə́ alé. Sḭḭ̄ ī-rāāī róbə yāsí gə̄ ādə̄ rugən̄ ō, deē ń un róbə yāsí ní a ənge kem sɔl̄ aĺ bátə́ ō.

IJAI 59:11

Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

NŌŌ RƆ̄ 3:2

Ni-aw̄ seḿ adə̄ m̄-njə̄rā kum loo kə́ risə til nding tə́ banī i kum loo kə́ unjə̄ kow tə́ alé.

NŌŌ RƆ̄ 4:14

Nin̄ dáȳn̄ dɔɔ́ tītə̄ ngé kum tɔ̄ɔ̄ gə̄ kum róbə gə̄ tə́. Mósə́ tákə̄də́ adə̄ kūbə̄ yādə́ gē a deē asə kɔdə jīn tə́ alé.

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

Makətūbə̄ yā Job 19:8

Ni-dēsə́ yá̰á̰ róbə́ḿ tə́ ɔgə̄m̄neé mān̄ ō, ni-ənī til dɔ kə̄lá róbə yāḿ gə̄ tə́ ō.