IJAI 59:7 - Bibəl ta Sar̄

⁷ Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

Bible sar

⁷ Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

IJAI 59:7 Referans Kwoze

Gōsə̄ najə̄ gə̄ 1:16

Tɔdɔ̄ nin̄ a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, nin̄ nāgə́n̄ i yā ɓōkə́ mósə deē nang tə́.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

EJEKIEL 22:6

Ngār kə́ Israel tə́ ń ndin̄ kemií ḭ̄ ɓē kə́ Jerusalem tə́ ní, nin̄ kógə̄ḿ kógə̄ḿ a unən̄ i ko̰o̰ ɓē yādə́ gə̄ n a tɔ̄l̄nəń madə̄də́ gə̄.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

Gōsə̄ najə̄ gə̄ 24:9

Gír̄ yā mbóo deē i kógə̄ḿ beē, i rāā majaĺ ngóy. De gə̄ gḛyn̄ de kə́ nge mbóo kə de gēé alé.

Gōsə̄ najə̄ gə̄ 15:26

Gír̄ rāā yá̰á̰ kə́ majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī najə̄ kə́ kɔr̄ kə kem kə́ majaá unjə̄ njáý njáý.

MATIYE 2:16

Dan ń Herod a̰ā̰ kadə̄ ngé ka̰a̰ yá̰a̰ tū tə́yō̰ tə́ gə̄ mbóon̄ i seneé anī, wōn̄g asən nák. Adə̄ ngáń kə́ dəngam gə̄ malang ń ojən̄də́ rāā ɓāl̄ jōó ō, ngé gə̄ ń ɓāl̄də́ asə jōó aĺ ɓáý ō ní, ni-əla tɔ̄l̄də́ tə́ kɔ̄ɔ́ kem ɓē kə́ Betlehem tə́ ō, kem ngán ɓē gə̄ kə́ gō nang kə́ Betlehem tə́ ō. Ni-rāā yá̰á̰ ní i kə gō ndɔ̄ ń ngé ka̰a̰ yá̰a̰ tū tə́yō̰ tə́ gə̄ ədanən̄neé ní.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

IJAI 32:6

Tām̄ de kə́ sapə gə̄ a ɔrə̄n̄ i najə̄ kə́ kumən gətóo gə̄. Yá̰á̰ ń nin̄ a gírə̄n̄ ní, i rāā yá̰á̰ kə́ majaĺ ngóy ō, a rāān̄ i yá̰á̰ kə́ majə ka̰ā̰ aĺ ngá̰ý gə̄ ō, a tájə̄n̄ i Kɔ́ɔ̄ɓē ō. Deē ń ɓō rāān ní, nin̄ adə̄nən̄ yá̰a̰ kəsa aĺ ō, deē ń kəndā man̄ rāān ní, nin̄ adə̄nən̄ man̄ ka̰ȳ aĺ ō.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

JEREMI 41:7

Ba dan ń ugə̄n̄ dan ɓēé anī, Ismael, ngōn̄ Netania ō de kə́ dəngam gə̄ ń dānə̄nən̄ ní ō, tɔ̄lə̄n̄də́ ba tə́nīn̄də́ kem bəlo taā man̄ ndī tə́.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.