IJAI 59:4 - Bibəl ta Sar̄

⁴ Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

Bible sar

⁴ Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 59:4 Referans Kwoze

Makətūbə̄ yā Job 15:35

Deē ń ndān̄ i ngōn̄ yá̰á̰ kə́ majaĺ ní, a ojə i yá̰á̰ kə́ to kum kaȳ aĺ ō, yá̰á̰ ń ni núm̄ kemən tə́ ní, a gól̄ i ngarā̰ kemən nəkɔ́ ō.

JAKƏ 1:15

Ba dan ń ngur yá̰á̰ kə́ majaĺ kə́ kem deē tə́ ní ndān̄ ngōn̄ anī, a ojə i rāā majaĺ, ba dan ń rāā majaĺ tɔgə anī a ojə i yo.

JEREMI 7:8

Ba sḭḭ̄ ī-gólī rɔ̄sí kə najə̄ kə́ rɔ̄kum aĺ gə̄ ō, kə́ teē yá̰a̰ aĺ gə̄ ō.

JEREMI 7:4

Ī-lōōī gól̄ rɔ̄sí kə najə̄ kə́ rɔ̄kum aĺ gēé ba kəda kə̄ nja naā tə́ na: Kújə yā Kɔ́ɔ̄ɓē! Kújə yā Kɔ́ɔ̄ɓē! Kújə yā Kɔ́ɔ̄ɓē, kújə ní i laā.

MISE 2:1

Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

IJAI 30:12

I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

Gōsə̄ najə̄ gə̄ 4:16

Nin̄ a ɓīīn̄ alé, bátə́ kadə̄ ré rāān̄ yá̰á̰ kə́ majaĺ pá tá, ré nin̄ rāān̄ deē kógə̄ḿ adə̄ əsō aĺ anī, ɓīī a əhɔ ta kumdə́ alé.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

PĀ GƏ̄ 62:4

Ā ī-ɓoī naā malang dɔ de kə́ kógə̄ḿ beē tə́ yā kəsō seneé tītə̄ ndogə̄ mbal̄ kə́ nōr̄ beé aláa tītə̄ ngísə ndogə̄ beé, i bátə́ ta kə̄ rá?

Makətūbə̄ yā Job 15:31

Ādə̄ ni-əndā kemən dɔ gól̄ loo tə́ alé, na sōgə́ ndúm̄ ta róbə. Tɔdɔ̄ gól̄ loo a téĺ yá̰a̰ kəndā nja yān.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 5:18

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń kəlā sor̄ do̰ō̰də́ tū yá̰a̰ rāādə́ kə́ gōtə́ aĺ tə́ ní! Nin̄ ndɔ́rə̄n̄ majaĺ yādə́ gōdə́ tə́ tītə̄ loo ndɔ́r̄ púsə beé.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

IJAI 10:1

I yá̰á̰ kə́ to kum kaȳ aĺ kə́ ba̰ý beē tām̄ yā ngé kəndā ndū najə̄ kə́ gōtə́ aĺ gə̄ tə́, tām̄ yā ngé ndang ndū najə̄ gə̄ kə́ a rāān̄ madə̄də́ gə̄ tə́ adə̄ a̰a̰n̄ tápə̄ tə́!

IJAI 26:18

Majə kadə̄ jḭḭ̄ j-ojiī de kə́ ndi kə kumneé ō, banī j-ojiī i nél. Jḭḭ̄ jə-reēī kə kajaá j-adī dɔ nang alé, j-adīin̄ de kə́ kijə gə̄ kadə̄ ndin̄ tū tə́ alé.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 29:20

Tām̄ i ta tɔ̄l̄ ta ngé gə̄ ń ko̰o̰ ɓē malang i gír jīdə́ nin̄ kɔ́ gə̄ tə́ ní ō, ngé lur loo gə̄ a gətóon̄ kɔ̄ɔ́ ō. Ngé sāā rāā yá̰á̰ kə́ majaĺ kə madə̄də́ gēé ō, ngé tetə najə̄ dɔ de gə̄ tə́ ō, ngé kəyā gūmbə̄ no ngé sarya gə̄ tə́ ō, ngé gān̄g sarya dɔ de kə́ najə̄ gətóo dɔn tə́ ō ní, a rāān̄də́ kadə̄ nin̄ a gətóon̄ kɔ̄ɔ́.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

IJAI 33:11

Yá̰a̰ gə̄ ń sḭḭ̄ ī-sāā-i rāā ní, i mu kə́ tutə gə̄ ngóy. Dan ń yá̰a̰ gə̄ ní reē udən̄ gíŕ kə́ rɔ̄ tə́ anī, yá̰a̰ gə̄ ní i mu karī. Koōsí sḭḭ̄ kɔ́ gə̄ a nujəsí tītə̄ hor beé.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

PĀ GƏ̄ 7:15

Deē ń a gír̄ i yá̰á̰ kə́ majaĺ ō, a núm̄ i rāā yá̰á̰ kə́ gōtə́ aĺ ō ní, a ojə i najə̄ kə́ rɔ̄kum alé.

PĀ GƏ̄ 12:3

De gə̄ a tə́dan̄ i najə kə́ majaĺ gə̄ dɔ naā tə́, tadə́ nel̄ ngá̰ý kə naá, ba kemdə́ əhɔ naā alé.

KƏLA RĀĀ 24:9

Jipə gə̄ ndigən̄ najə̄ gō Tertulus tə́, ədan̄ na i tītə̄ ń noō rɔ̄kum.