IJAI 59:3 - Bibəl ta Sar̄

³ Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

Bible sar

³ Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

IJAI 59:3 Referans Kwoze

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

EJEKIEL 13:8

Adə̄ yá̰á̰ kə́ rɔ̄kum ń mā Kɔ́ɔ̄ɓē Nə́ɓā m-ə́dásí ní n toó: Dan ń i sḭḭ̄ kɔ́ gə̄ n ə́daī najə̄ kə́ reē dɔsí tə́ ō, yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō ní, m-ā m̄-rāā yá̰á̰ kə́ tōr̄ sesí. Najə̄ ń Kɔ́ɔ̄ɓē Nə́ɓā əda ní n noó.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

EJEKIEL 35:6

I tām̄ najə̄ ń toō tə́ n, tītə̄ ń m̄-ndiń kə kumḿ rɔ̄kum noó ní, najə̄ ń mā Kɔ́ɔ̄ɓē Nə́ɓā m-ə́dá ní n toó ní: M-ā m̄-ɓōkə́ mósə deē nang tə́ ɓēé looí. A̰á̰ā̰, mósə deē ń ḭ̄ ī-ɓōkə́ nang tə́ ní, gḛy kadə̄ deē əgā kə̄rān. Ḭ̄ ī-ɓōkə́ mósə deē nang tə́ kanjə̄ kɔr bā̰ā̰ ní, a ɓōkə́n̄ mósí nang tə́ ō.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.

JEREMI 7:8

Ba sḭḭ̄ ī-gólī rɔ̄sí kə najə̄ kə́ rɔ̄kum aĺ gə̄ ō, kə́ teē yá̰a̰ aĺ gə̄ ō.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

OJEE 7:3

Kə ta kūl̄ kem ndul yādə́, nin̄ rāān̄ mban̄g adə̄ rɔ̄n nelə̄n, kə ta kūl̄ sor̄ yādə́, nin̄ rāān̄ de kə́ bo gə̄ ādə̄ əren̄ kumdə́ ta yá̰á̰ tə́ alé.

EJEKIEL 22:2

Ḭ̄ ngōn̄ deē, ā ī-gān̄g sarya dɔ ɓē kə́ Jerusalem tə́ tɔdɔ̄ tɔ̄l̄ naā i ngá̰ý kemeé. Majə kadə̄ ɔ́jən yá̰a̰ rāān kə́ majaĺ ngá̰ý gə̄ ādə̄ ger̄.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

IJAI 44:20

A̰ á̰, yá̰á̰ ń i bū ngóý ní n de gə̄ ń toō əhɔn̄ gō ní. Ndíĺdə́ rāā yá̰a̰ gōtə́ aĺ ō, gír̄ najə̄ yādə́ i gōtə́ aĺ ō. Nə́ɓā yādə́ a ajədə́ alé. De kógə̄ḿ dandə́ tə́ kə́ yā kəda na: Yá̰á̰ ń m-āwń jīḿ tə́ toō i nə́ɓā kə́ rɔ̄kum alé adə̄ to i kə̄ ndágá ní gətóo.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

JEREMI 9:7

Ndo̰də́ i kum gərā kə́ ta katə. Nin̄ ɔrə̄n̄ i najə̄ kə́ sor̄ gə̄. Ɔrə̄n̄ najə̄ kem sɔl̄ lɔm kə madə̄də́ gēé i kə tadə́ karī, ba əyān̄ gūmbə̄ ngarā̰ kemdə́ tə́ a ngóōn̄neédə́.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.