IJAI 59:21 - Bibəl ta Sar̄

²¹ Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

Bible sar

²¹ Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

IJAI 59:21 Referans Kwoze

HEBƏRO 10:16

Kɔ́ɔ̄ɓē əda na: Gō ndɔ̄ gə̄ ngeé ń noō tə́ ní, madə̄ naā ń m-ā m-ə́hɔ sedə́ ní n toō, m-ā m̄-tə́ndā ndū najə̄ yāḿ gə̄ ngarān̄g kemdə́ tə́ ō, m-ā m̄-ndangdə́ tū kur̄ dɔdə́ tə́ ō.

IJAI 51:16

M-ə̄ndā dɔ rā̰ loo ran tə́ ō, m-ə̄ndā dɔ nang ba m-ə́da Siyo̰ na: Ḭ̄ i gír de gə̄ yāḿ ō. m̄-ə̄ndā najə̄ yāḿ taí tə́ ō, m̄-rāā ndíl jīḿ dɔí tə́ m̄-ngɔ̄mīneé ō.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

2 KORḚNTƏ 3:8

kɔsə gɔn ń a dān̄ gō kəla yā Ndíĺ ní i ngá̰ý tɔȳ aĺ a?

JA̰A̰ 1:33

Kété m̄-gerə̄n alé, ba nge ń əlam̄ rāā de gə̄ batém tə́ kum man̄ tə́ ní ədam̄ na: Deē ń ā á̰á̰ Ndíĺ jə̄ngā dɔ rā̰ tə́ ndi dɔn tə́ ní, i nge ń a rāā de gə̄ batém kum Ndíĺ kə́ Táĺ tə́ ní.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 8:38

M-ə́dásí i yá̰á̰ ń m-á̰a̰ rɔ̄ Bɔbə́ḿ tə́ ní, ba sḭḭ̄ ī-rāāī i yá̰á̰ ń ōōī ta bɔbə̄sí tə́ ní.

Makətūbə̄ ń Pol ndang adə̄ Rom gə̄ ní 11:27

I nge ń noō n i madə̄ naā yāḿ kə́ sedə́ dan ń m-ā m-ɔ̄r̄ yá̰á̰ kə́ majaĺ yādə́ gə̄ kɔ̄ɔ́ ní.

Teē Ngán Israel gə̄ 4:15

Kə ɔr̄ najə̄ seneé, kə əndā najə̄ gə̄ ń kadə̄ əda ní tan tə́. Ba na nəkɔ́ Kɔ́ɔ̄ɓē na i naā tə́ sedə́ ō, na n-a n-ɔjədə́ yá̰á̰ ń kadə̄ rāān̄ ní ō.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

PĀ GƏ̄ 119:43

Ī-lōō kɔr̄ najə̄ kə́ rɔ̄kum kɔ̄ɔ́ taḿ tə́, tɔdɔ̄ m-ə̄ndā kemḿ dɔ ndūí gə̄ ń ī-ra dɔ tə́ ní tə́.

Gōsə̄ najə̄ gə̄ 7:3

Ī-do̰ō̰də́ ta ngán jīí tə́, ī-ndangdə́ dan wurií tə́.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

JEREMI 1:9

Kɔ́ɔ̄ɓē əla jīn ɔdəń taḿ. Ni ədam̄ na: Ń toō m-ə̄ndā najə̄ yāḿ taí tə́.