IJAI 59:2 - Bibəl ta Sar̄

² Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.

Bible sar

² Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.

IJAI 59:2 Referans Kwoze

JEREMI 5:25

I majaĺ yāsí gə̄ n rāān̄ adə̄ yá̰a̰ a̰a̰ gō naā aĺ ní ō, i yá̰á̰ kə́ gōtə́ aĺ yāsí gə̄ n utə̄n̄ ta róbə́ yá̰á̰ kə́ majə gə̄ ń noō ō ní.

Gōsə̄ najə̄ gə̄ 15:29

Kɔ́ɔ̄ɓē ɔr̄ rɔ̄n sa̰y rɔ̄ ngé kem ndul gə̄ tə́, banī ni oō ndɔ̄ȳ yā de kə́ súmūú gə̄.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

JOJUE 7:11

Ngán Israel gə̄ rāān̄ majaĺ. Nin̄-mānə̄n̄ dɔ ndū najə̄ kə́ dɔ madə̄ naā ń m-ə́hɔ sedə́ tə́ á m-ə́dádə́ kadə̄ ngɔ̄mə̄n̄ ní. Nin̄ ɔyn̄ yá̰á̰ kə́ bāā dɔ gə̄ ń m-ɔ̄gə̄də́ kɔy ní, ɓogən̄ yá̰a̰ gə̄ ní ba aw̄ ɓɔ̄ɔ̄n̄ dan yá̰a̰ yādə́ tə́.

IJAI 58:4

Dan ń sḭḭ̄ ī-*ndiī ɓō tām̄ yā Nə́ɓā tə́ anī, ī-kɔ̄lī naā ō, ī-ɓirī jīsí ī-tə́ndāīneé madə̄sí gə̄ ō. I kə ta kūl̄ ndi ɓō kə́ tītə̄ ń noō n ā ī-rāāiń kadə̄ oōn̄ ndūsí dɔɔ́ nú ní alé.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

1 SAMUEL 4:3

Ngán Israel gə̄ tél aw̄n̄ gogə́ gérger yādə́ tə́. Anī kum kɔɔ̄ kə́ Israel tə́ gə̄ ədan̄ na: Kɔ́ɔ̄ɓē əya̰ Pilistin gə̄ adə̄ tetən̄jí rɔ̄ɔ̄ ɓōólaā i tām̄ yā rí tə́? J-awī gō sandúkə madə̄ naā yā Kɔ́ɔ̄ɓē tə́ Silo, ādə̄ reē ajəjí jī ngé ba̰ā̰jí gə̄ tə́.