IJAI 59:15 - Bibəl ta Sar̄

¹⁵ A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

Bible sar

¹⁵ A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

IJAI 59:15 Referans Kwoze

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

Makətūbə̄ ń Pol ndang adə̄ Rom gə̄ ní 8:36

Tɔdɔ̄ ndangən̄ kem makətūbūú na: Tɔ̄lə̄n̄jí bátə́ mbang udə i tām̄ yāí tə́ ō, rāān̄jí i batə̄ kə́ yā tɔ̄l̄ gə̄ tə́ ō ní.

KƏLA RĀĀ 9:23

Rāā ndɔ̄ ngá̰ý anī Jipə gə̄ ní oōn̄ naā dɔ loo tɔ̄l̄ Sol tə́.

KƏLA RĀĀ 9:1

Dan ngeé ń noō tə́ ní, najə̄ yā ka̰ȳ ndíĺ ngé ndóō yá̰a̰ gə̄ yā Kɔ́ɔ̄ɓē ō, najə̄ yā tɔ̄l̄də́ ō, teē dɔ Sol tə́ alé.

2 KORḚNTƏ 5:13

Ré i rɔ̄kum kadə̄ jḭḭ i de kə́ mbóo gə̄ anī, i tām̄ yā Nə́ɓā tə́. Ba ré jḭḭ i de kə́ ngáā gə̄ anī, i tām̄ yāsí tə́.

KƏLA RĀĀ 26:24

Pol ɔr̄ najə̄ dɔ rɔ̄n tə́ ugə̄ loo ń noō tə́, anī Pestus əga kɔŕ əda na: Pol, ā̰ȳ kɔ̄r̄ kɔ̄ɔ́! Yá̰á̰ ń ī-ndóō ngá̰ý ní rāāī adə̄ ā̰ȳ kɔ̄r̄ kɔ̄ɔ́!

MARK 3:21

Loo ń ngéén gə̄ oōn̄ beé anī, teē aw̄n̄ kəhɔn tə́, tɔdɔ̄ nin̄ ədan̄ na dɔn na ndi kə gōó aĺ na i mbée.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

JEREMI 29:26

I Kɔ́ɔ̄ɓē n əndāī gotə nge tun̄ yá̰a̰ Yehoyada tə́ yā kadə̄ ḭ̄ i ngol nge tun̄ yá̰á̰ kə́ ə̄ndā kumií gír de gə̄ malang ń tāmə̄n̄ mbitə mbitə ō, ɔrə̄n̄ najə̄ kə́ ngé koō ta gə̄ tə́ ō kem kújə yā Kɔ́ɔ̄ɓē tə́ ní, majə kadə̄ ī-do̰ō̰də́ kə súlú ō, kə kəlā gindīí ō.

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

PĀ GƏ̄ 5:9

Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

2 YÁ̰A̰ GƏ̄ 21:7

Banī Kɔ́ɔ̄ɓē ndigə nujə de kə́ gír kojə yā Dabid tə́ gə̄ kɔ̄ɔ́ alé, sɔɔ̄ń madə̄ naā ń ni əhɔ kə Dabidí ní ō, kəda ń ni əda na n-a n-adə̄ Dabid nin̄ kə ngánən gēé hor lámbá kə́ a to ngándáńg ō ní.

2 SAMUEL 11:27

Dan ń ni-rāā ndoō ngaan oy anī, Dabid reē seneé rɔ̄n tə́. Ni-taān kə́ dəyá̰ tə́ adə̄ ojə ngōn̄ kə́ dəngam seneé. Banī yá̰á̰ ń Dabid rāā ní nel̄ Kɔ́ɔ̄ɓē alé.

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

2 MBAN̄G 9:11

Yehu teē aw̄ rɔ̄ ngol ngé rɔ̄ɔ̄ gə̄ yā kɔ́ɔ̄n tə́, anī dəjenən̄ na ké i rí n rāā yá̰a̰ wa, ké nge kɔ̄r̄ ń noō reē rɔ̄n tə́ i najə̄ rí tə́ wa. Anī ni-tél ədadə́ na: Sḭḭ̄ kɔ́ gə̄ ī-gerī deē ń noō majə kə najə̄ kɔrə̄n gēé.

TA KƏLA 38:10

Yá̰á̰ ń ni rāā ní nel̄ Kɔ́ɔ̄ɓē alé, adə̄ Kɔ́ɔ̄ɓē rāā adə̄ oy ō.

JA̰A̰ 10:20

De gə̄ ngá̰ý dɔ dáńdə́ tə́ ədan̄ na: Ndíĺ kə́ majaĺ i kemən tə́ ō, kɔ̄r̄ rāān ō, ba ōōī najə̄ yān i tām̄ rí tə́?

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

IJAI 5:23

Deē ń najə̄ i dɔn tə́ ní, nin̄ əya̰nən̄ dɔɔ́ ba taān̄ kadə̄ karī gírí. Ba deē ń najə̄ gətóo dɔn tə́ ní, nin̄ mbātə́n̄ gān̄g sarya kə́ gōtə́ kadə̄n.

IJAI 10:2

I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

IJAI 32:7

Ngé gól̄ madə̄də́ gə̄ rāān̄ i yá̰á̰ kə́ tōr̄ ngá̰ý. Nin̄ númə̄n̄ rāā yá̰á̰ kə́ majaĺ gə̄ yā nujəń ngé ndoō gə̄ kə ta kūl̄ najə̄ kə́ sor̄ gə̄. Tá ngé ndoō gə̄ ngeé ń toō ní, a dəjen̄ i yá̰a̰ yādə́ kə́ sɔɔ̄də́ ngóy.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

AMOS 5:10

Nge gɔŕyɔ̄ ngé rāā sarya gə̄ ní, nel̄sí sḭḭ̄ seneé aĺ ngá̰ý ō, nge kəda najə̄ kə́ rɔ̄kum ní, nel̄sí seneé aĺ ō.

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

NŌŌ RƆ̄ 3:36

dan ń gāngə̄n̄ sarya dɔ deē kógə̄ḿ tə́ kə gōó aĺ ō ní, Kɔ́ɔ̄ɓē a̰a̰ aĺ a?