IJAI 59:14 - Bibəl ta Sar̄

¹⁴ I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

Bible sar

¹⁴ I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

IJAI 59:14 Referans Kwoze

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 5:23

Deē ń najə̄ i dɔn tə́ ní, nin̄ əya̰nən̄ dɔɔ́ ba taān̄ kadə̄ karī gírí. Ba deē ń najə̄ gətóo dɔn tə́ ní, nin̄ mbātə́n̄ gān̄g sarya kə́ gōtə́ kadə̄n.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

KOHELET 3:16

Yá̰á̰ ń m-ə̄ndā ma̰ȳ m-á̰a̰ā̰ dɔ nang tə́ ɓáý to̰ ní n toó: Kem ndul taā loo jī yá̰á̰ kə́ súmūú tə́ ō jī yá̰á̰ kə́ gōtə́ tə́ ō.

AMOS 5:7

Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

IJAI 59:9

I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

IJAI 59:11

Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

DANIEL 8:12

Əlan̄ de kə́ dɔ rā̰ tə́ gə̄ kem jīn tə́ naā tə́ kə yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

1 MBAN̄G GƏ̄ 21:10

Əndāī de kə́ ngé rāā yá̰a̰ gōtə́ aĺ gə̄ jōó non tə́ ādə̄ ədan̄ najə̄ ń toō dɔn tə́: ni na ndɔ̄ĺ Nə́ɓā ō, na ndɔ̄ĺ mban̄g ō. Gō tə́ anī ī-teēī seneé gidə ɓē tə́ ndágá ba ī-tə́nāin̄ kə mbalá ādə̄ oy.

1 MBAN̄G GƏ̄ 21:11

De kə́ kem ɓē kə́ Jisreel tə́ gə̄, adə̄ i kum kɔɔ̄ gə̄ ō, ngār gə̄ ō ń ndin̄ kem ɓēé ní, rāān̄ yá̰á̰ ń Jesabel ədadə́ kadə̄ rāān̄ ní kə gō ń ni ndang adə̄ńdə́ kem makətūbūú ní.

PĀ GƏ̄ 119:150

Ngé rāā kumḿ ndoō tə́ ndāńg ndāńg gə̄ ń toō ndɔ́tə̄n̄ kə̄ rɔ̄ḿ tə́ ngɔr, nin̄ ɔrə̄n̄ rɔ̄də́ sa̰y rɔ̄ ndū najə̄ yāí tə́.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.