IJAI 59:11 - Bibəl ta Sar̄

¹¹ Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.

Bible sar

¹¹ Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.

IJAI 59:11 Referans Kwoze

IJAI 38:14

m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 8:15

Jə-ngóōī kadə̄ rɔ̄jí ngan̄g, ba yá̰á̰ kə́ to ngáā gətóo. Jə-ngóōī kum mbang kə́ kadə̄ rɔ̄jí ngangə̄ń, ba i ɓōĺ n rāājí ní.

IJAI 59:9

I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

PĀ GƏ̄ 119:155

Kajə ndetə kadə de kə́ sew aĺ gə̄ ngɔr alé. Tɔdɔ̄ nin̄ sāān̄ gō yá̰a̰ gə̄ ń ī-ndang kadə̄ yā rāā ní alé.

PĀ GƏ̄ 85:9

Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

PĀ GƏ̄ 38:8

Tɔdɔ̄ dūnə̄ḿ təngām̄ tólóló, rɔ̄ḿ i do malang.

PĀ GƏ̄ 55:2

Ɓɔ́ Nə́ɓā, ī-nēl̄ mbīí ōoń ndɔ̄ȳ yāḿ! Ī-lōō ɓɔ̄ɔ̄ rɔ̄í dan ń m̄-rāāī ɓɔ́ ní.

IJAI 59:8

Sḭḭ̄ ī-gerī róbə kem sɔl̄ alé, loo ń sḭḭ̄ ī-njə̄rāī tū tə́ ní, deē a ənge yá̰á̰ kə́ súmūú tū tə́ alé. Sḭḭ̄ ī-rāāī róbə yāsí gə̄ ādə̄ rugən̄ ō, deē ń un róbə yāsí ní a ənge kem sɔl̄ aĺ bátə́ ō.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

NŌŌ RƆ̄ 3:17

Ḭ̄ ɔ̄gə̄m̄ loo ndi lɔm adə̄ dɔḿ ndígə̄nal dɔ ndi majə tə́ kɔ̄ɔ́.

NAHUM 2:7

Ta róbə gə̄ ń deē teē tū tə́ kə̄ ndágá anī a a̰a̰ i bā gə̄ ní, mbəlōn̄də́ gidə kógə̄ḿ ō, taān̄ kújə ngol yā mban̄g kɔ̄ɔ́ ō.

PĀ GƏ̄ 119:150

Ngé rāā kumḿ ndoō tə́ ndāńg ndāńg gə̄ ń toō ndɔ́tə̄n̄ kə̄ rɔ̄ḿ tə́ ngɔr, nin̄ ɔrə̄n̄ rɔ̄də́ sa̰y rɔ̄ ndū najə̄ yāí tə́.

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.