IJAI 59:10 - Bibəl ta Sar̄

¹⁰ Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

Bible sar

¹⁰ Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

IJAI 59:10 Referans Kwoze

NDŪ NAJƏ̄ 28:29

A ī-mám̄ loo dan kadə ndaá tītə̄ nge kum tɔ̄ɔ̄ ō, yá̰á̰ kə́ a teēī do tə́ a gətóo ō. De gə̄ a əsanī i mbéé ngándáńg ō, a taān̄ yá̰a̰ yāí gə̄ jīí tə́ kɔ̄ɔ́ ō, de kə́ yā dḭḭ̄ī a gətóo ō.

Makətūbə̄ yā Job 5:14

Loo kə́ risə til əgadə́ bə̄dē tə́ dan kadaá. Nin̄-mámə̄n̄ loo dan kadə ndaá tītə̄ kə́ ndin̄ i ndɔ̄ɔ́ beē.

NŌŌ RƆ̄ 3:6

Ni-rāā adə̄ m̄-ndi ɓē loo kə́ risə til tə́ tītə̄ de gə̄ ń oyn̄ i jóó ngá̰ý kɔ̄ɔ́ ní beē.

1 JA̰A̰ 2:11

Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

NŌŌ RƆ̄ 4:14

Nin̄ dáȳn̄ dɔɔ́ tītə̄ ngé kum tɔ̄ɔ̄ gə̄ kum róbə gə̄ tə́. Mósə́ tákə̄də́ adə̄ kūbə̄ yādə́ gē a deē asə kɔdə jīn tə́ alé.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

IJAI 8:15

Ni a tə́gā nja de gə̄ ngá̰ý, kadə̄ a əsōn̄ ō, a tétə̄n̄ rárák kɔ̄ɔ́ ō. Gūmbə̄ a əhɔdə́ ō, a asən̄ teē kum tə́ aĺ ō.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

IJAI 28:13

I tām̄ najə̄ ń toō tə́ n Kɔ́ɔ̄ɓē a ədadə́ tītə̄ ń toō beé ō ní: Bababa, bababa, dadada, dododo! Loo ń noō tə́ dan ń a njə̄rān̄ anī, a əsōn̄ gagəra ndaa ō, kə̄ngādə́ a tetə ō, a əsōn̄ kum gūmbə̄ tə́ ō, a əhɔn̄də́ dəngáy ō.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.