IJAI 59:1 - Bibəl ta Sar̄

¹ Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

Bible sar

¹ Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

IJAI 59:1 Referans Kwoze

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

MATIYE 13:15

Tɔdɔ̄ gír de gə̄ ń toō kemdə́ magə́rā kɔ̄ɔ́, mbīdə́ əja oō loo to̰ alé. Nin̄ kɔ́ gə̄ utə̄n̄ kumdə́ kɔ̄ɔ́ na sōgə́ kumdə́ a̰a̰ loo ō, tá utə̄n̄ mbīdə́ kɔ̄ɔ́ na sōgə́ mbīdə́ oō loo ō, yā kadə̄ ger̄nəń kum najə̄ kógə̄ḿ aĺ ō. Na sōgə́ nin̄-tūrə̄n̄ háĺdə́ anī, m̄-rāā adə̄ rɔ̄də́ ngáā.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

MISE 2:7

Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.

1 SAMUEL 4:3

Ngán Israel gə̄ tél aw̄n̄ gogə́ gérger yādə́ tə́. Anī kum kɔɔ̄ kə́ Israel tə́ gə̄ ədan̄ na: Kɔ́ɔ̄ɓē əya̰ Pilistin gə̄ adə̄ tetən̄jí rɔ̄ɔ̄ ɓōólaā i tām̄ yā rí tə́? J-awī gō sandúkə madə̄ naā yā Kɔ́ɔ̄ɓē tə́ Silo, ādə̄ reē ajəjí jī ngé ba̰ā̰jí gə̄ tə́.

1 SAMUEL 8:18

Ndɔ̄ ń noō tə́ ā ī-nōōī najə̄ yā mban̄g ń ī-gə̄rāī tə́ ní, banī Kɔ́ɔ̄ɓē a dalsí alé.

PĀ GƏ̄ 94:9

Kɔ́ɔ̄ɓē ń rāā mbī deē ní asə koō loo aĺ a? Ni ń rāā kum deē ní asə ka̰a̰ loo aĺ a?

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.