IJAI 58:3 - Bibəl ta Sar̄

³ Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

Bible sar

³ Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

IJAI 58:3 Referans Kwoze

MALASI 3:14

Ní, najə̄ ń ə́daī ní n toó: Rāā kəla kadə̄ Nə́ɓā, i yá̰á̰ kə́ kanjə̄ kumən. Yá̰a̰ gə̄ ń ni-əda kadə̄ yā rāā ní, jḭḭ jə-ngɔ̄m̄. Jḭḭ j-əndā yo ta kum Kɔ́ɔ̄ɓē kə́ bo kə́ tɔ́gən i ngá̰ý tə́, banī i yá̰á̰ kə́ kanjə̄ kumən!

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

NEHEMI 5:7

Loo ń noō tə́ m̄-gḛy gákə̄ de kə́ bo gə̄ ō, ngé rāā sarya gə̄ ō, adə̄ m-ə́dádə́ na: I yá̰a̰ kətō kə́ ɔȳ n ī-tə́ndāī dɔ naā tə́ ní! Gō tə́ anī m̄-ɓāŕdə́ loo kán̄ naā kə́ bo tə́

Najə̄ kə́ Majə yā Jeju ń Luk ndang ní 15:29

Bɔbə̄n teē aw̄ rāān ɓɔ́, banī ni-tél əda bɔbə̄n na: Á̰a̰ā̰, i ɓāl̄ kóndóńg n mā m̄-rāań kəla seí ō, m̄-rāań yá̰a̰ malang ń ɔ́jəm̄ ní kanjə̄ kadə̄ m̄-mbātə́ taí tə́ ō ní, ba ngōn̄ bə̄yā̰ kógə̄ḿ gə̄gē ādə̄m̄ kadə̄ m̄-tɔ̄l̄ m̄-rāań rɔ̄nel̄ kə madə́ḿ gēé alé.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

PĀ GƏ̄ 69:10

A̰á̰ā̰, o̰o̰m̄ tɔdɔ̄ kújə yāí ngá̰ý. Nin̄ tájīn̄, banī ndū yādə́ ní tél əsō i dɔḿ mā tə́.

TƏ́DA 23:4

Nə́ɓā tə́nī ta Balam, anī Balam ədan na: m̄-mēr̄ rāā loo tun̄ yá̰a̰ gə̄ gír sīrí, ba m-ādə̄ ndējə̄n̄ man̄g kə́ bəra kógə̄ḿ ō, bal batə̄ kógə̄ḿ ō, kə dɔ loo tun̄ yá̰a̰ gə̄ ní.

LEBI GƏ̄ 23:27

Ndɔ̄ nāā kə́ nge ko̰ kutə yā nāā kə́ nge ko̰ sīrí i ndɔ̄ mā̰ȳ rɔ̄ kə́ bo. Ā ī-kánī naā yā rɔȳm̄ ō, ā ī-*ndiī ɓō tām̄ yā Nə́ɓā tə́ ō, ā ī-ndējī Kɔ́ɔ̄ɓē yá̰a̰ tun̄ kə́ róō horoó ō.

LEBI GƏ̄ 16:31

Ā ī-rāāī ndɔ̄ ń noō i ndɔ̄ sabat ń ā ī-*ndiī ɓō tām̄ yā Nə́ɓā tə́ ní. Nge ń noō i ndū najə̄ kə́ a to ngándáńg.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

Makətūbə̄ yā Job 34:9

Sāā ta róbə kadə̄ mbo̰ō̰sí to majə kə Nə́ɓāá na i yá̰á̰ kə́ teē deē yá̰á̰ tə́ alé.