IJAI 58:2 - Bibəl ta Sar̄

² Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

Bible sar

² Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

IJAI 58:2 Referans Kwoze

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

MARK 12:14

Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

MARK 6:20

tɔdɔ̄ Herod ɓōĺ ndíĺ Ja̰a̰, tām̄ ni-ger̄ kadə̄ Ja̰a̰ i de kə́ súmūú ō, i de kə́ táĺ yā Nə́ɓā ō, adə̄ ngɔ̄mə̄n. Loo ń ni-oō najə̄ yān ní, ni gír̄ najə̄ ngá̰ý gə̄gē, ba oō najə̄ yān kə rɔ̄nelēé.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

PĀ GƏ̄ 119:15

m̄-ndigə gír̄ yá̰a̰ dɔ yá̰a̰ gə̄ ń ī-ra kə de gēé ta rāā ní tə́ ō, m-ā m-á̰a̰ gō róbə yāí gə̄ majə ō.

PĀ GƏ̄ 119:87

Mā i nang tə́, m-á̰a̰ yo kə kumḿ, banī m-ə́yá̰ yá̰a̰ gə̄ ń ī-ra kə de gēé ta rāā ní kɔ̄ɔ́ alé.

PĀ GƏ̄ 119:151

Kɔ́ɔ̄ɓē, ḭ̄ i ngɔr rɔ̄ḿ tə́ ō, gō míndí gə̄ malang i najə̄ kə́ rɔ̄kum gə̄ ō.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

IJAI 1:28

Banī yā ngé kəsō wōn̄g gə̄ ō, ngé rāā majaĺ gə̄ ō ní, yādə́ i nujə sák sák kə́ a teē dɔdə́ tə́ i gidə kógə̄ḿ. Ngé gə̄ ń əya̰n̄ Kɔ́ɔ̄ɓē kɔ̄ɔ́ ní, gír yādə́ a gān̄g.

IJAI 57:3

Sḭḭ̄ ngán dəyá̰ kə́ nge rāā kəga, ī-reēī kə̄ ngɔr. Sḭḭ̄ i ɓūtə̄ de kə́ ngé rāā rāȳ gə̄ ngóy ō, ɓūtə̄ de kə́ ngé rāā ájə́ba gə̄ ngóy ō.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 7:10

ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

IJAI 42:20

Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.

EJEKIEL 20:3

Ḭ̄ ngōn̄ deē, ə́da kum kɔɔ̄ kə́ Israel tə́ najə̄ ń toō ādə̄m̄. Ə́dádə́ na: Ī-reēī i koō najə̄ kə́ taḿ tə́ yā gerə̄ń yá̰á̰ ń m̄-ndigə ní waḿ. I beé ní, tītə̄ ń m̄-ndiń kə kumḿ noō, m-ā m-ə́ya̰ ta róbə yā kadə̄sí kadə̄ ī-dəjemī najə̄ kógə̄ḿ alé. Najə̄ ń mā Kɔ́ɔ̄ɓē Nə́ɓā m-ə́dá ní n noó!

AMOS 5:18

Ngé gə̄ ń tə́gān̄ tadə́ sétə́ loo ngóō ndɔ̄ yā Kɔ́ɔ̄ɓē tə́ ní, yá̰á̰ kə́ to kum kaȳ aĺ i tām̄ yādə́ tə́! Ndɔ̄ yā Kɔ́ɔ̄ɓē ngeé ń toō ní, i rí tām̄ yāsí tə́? I ndɔ̄ kə́ loo kə́ tū tə́ unjə̄ kow a? I beé alé: I ndɔ̄ kə́ loo kə́ tū tə́ ndul ndí ndḭ́!