IJAI 58:1 - Bibəl ta Sar̄

¹ Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

Bible sar

¹ Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 58:1 Referans Kwoze

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

EJEKIEL 20:4

Ḭ̄ Ejekiel ń i ngōn̄ deē ní, ī-ndigə gān̄g sarya dɔdə́ tə́ rɔ̄kum a? Ə̄nīdə́ gotə yá̰á̰ kə́ majaĺ ngá̰ý gə̄ ń kaadə́ gə̄ rāān̄ ní.

EJEKIEL 22:2

Ḭ̄ ngōn̄ deē, ā ī-gān̄g sarya dɔ ɓē kə́ Jerusalem tə́ tɔdɔ̄ tɔ̄l̄ naā i ngá̰ý kemeé. Majə kadə̄ ɔ́jən yá̰a̰ rāān kə́ majaĺ ngá̰ý gə̄ ādə̄ ger̄.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

IJAI 40:6

De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

IJAI 2:5

Kojə gə̄ yā Jakob, ɔ̄rī dɔɔ́! Jə-njə̄raī kum loo kə́ unjə̄ kow yā Kɔ́ɔ̄ɓē tə́!

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

IJAI 57:12

Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

EJEKIEL 16:2

Ḭ̄ ngōn̄ deē, ɔ́jə Jerusalem yá̰á̰ kə́ majaĺ ngá̰ý gə̄ ń ni-rāā ní.

EJEKIEL 23:36

Kɔ́ɔ̄ɓē ədam̄ na: Ḭ̄ ngōn̄ deē, ā ī-gān̄g sarya dɔ Ohola tə́ ō, dɔ Oholiba tə́ ō. Yá̰á̰ kə́ majaĺ ngá̰ý gə̄ malang ń nin̄ rāān̄ ní, ī-teēń kə̄ ndágá ī-ɓōkə́ ta kumdə́ tə́ ādə̄ a̰ā̰n̄.

EJEKIEL 33:3

Dan ń nge kum̄ loo a̰a̰ ngé rɔ̄ɔ̄ gə̄ yā madə̄ ba̰ā̰ loo reē tə́ anī, ni kɔ̄ŕ bərúnjə yā tāań de gə̄.

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

JEREMI 36:9

Kem nāā kə́ nge ko̰ ndōhó yā ɓāl̄ kə́ nge ko̰ mí ń Joakim, ngōn̄ Josias, ndiń mban̄g Juda tə́ ní, ɓārə́n̄ de gə̄ malang kə́ Jerusalem tə́ ō, ngé gə̄ malang ń a ḭḭn̄ kem ɓē gə̄ kə́ Juda tə́ a reēn̄ Jerusalem ní ō, kadə̄ ndin̄ ɓō tām̄ yā Nə́ɓā tə́ ta kumən tə́.

EJEKIEL 11:4

I beé ní, ḭ̄ ngōn̄ deē, ī-teē kə gíŕdə́ dɔɔ́, kə ta kūl̄ najə̄ ń m-ə̄ndā taí tə́ ní.