IJAI 57:7 - Bibəl ta Sar̄

⁷ Ḭ̄ ī-rāā loo kəto kə́ tām̄ yāí tə́ dɔ loo malang kə́ kḭḭ kə̄ dɔɔ́ tə́. Ḭ̄ ā āw̄ ā ī-ndējə̄ yá̰á̰ kə́ tun̄ gə̄ i loo ń noō tə́.

Bible sar

⁷ Ḭ̄ ī-rāā loo kəto kə́ tām̄ yāí tə́ dɔ loo malang kə́ kḭḭ kə̄ dɔɔ́ tə́. Ḭ̄ ā āw̄ ā ī-ndējə̄ yá̰á̰ kə́ tun̄ gə̄ i loo ń noō tə́.

IJAI 57:7 Referans Kwoze

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

EJEKIEL 16:16

Kūbə̄ yāí kə́rēý gə̄ kə́ majə ngá̰ý gə̄ ō, kə́ rāān̄ ɓáĺ yá̰a̰ gə̄ tū tə́ ō n ḭ̄ ɔ́ýdə́ ī-súuń loo ndɔ̄ȳ gə̄ ní ō, ī-rāā ájə́ba dɔ tə́ ō ní. Ba nge ń noō i yá̰á̰ kə́ majə kadə̄ rāā yá̰a̰ alé.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

EJEKIEL 16:25

Ḭ̄ rāā loo kə́ kḭḭ kə̄ dɔɔ́ tām̄ yāí tə́ kə̄ ta gajə róbə gə̄ tə́ malang. Ḭ̄ ún majə yā rɔ̄í ī-rāāń yá̰á̰ kə́ majaĺ ngá̰ý gə̄ loo ngeé gə̄ ń noō tə́. Ngé mān̄ róbə gə̄ malang ń noō ḭ̄ ādə̄də́ rɔ̄í ō, ḭ̄ ā ī-rāā ájə́ba kum kə̄ kété kété ō.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

JEREMI 3:2

Ún kumií kə̄ dɔɔ́ ba á̰a̰ loo kum kə̄ dɔ mbal̄ kə́ ndágə doy gə̄ tə́: I loo kə́ rá n ādə̄ ɓīīn̄ seí tū tə́ aĺ ní? Ī-ndi ī-ngóōdə́ kə bɔ̄gə̄ róbə gēé tītə̄ Arabə kə́ ndi kem dəla loo tə́. Ḭ̄ ī-rāā ájə́ba ō, háĺ kə́ gōtə́ aĺ ō, ī-yḛrəń loo kə́ dɔ nang tə́.

EJEKIEL 23:17

Loo ń noō tə́ de kə́ Babilon gə̄ reē ɓīīn̄ seneé. Nin̄ rāān̄ adə̄ ni-tél de kə́ yḛr, tɔdɔ̄ nin̄ rāān̄ ájə́ba seneé. Dan ń ni yḛr rɔ̄n sedə́ oy anī, ni gḛydə́ aĺ kə́ al̄ naā.

IJAI 57:3

Sḭḭ̄ ngán dəyá̰ kə́ nge rāā kəga, ī-reēī kə̄ ngɔr. Sḭḭ̄ i ɓūtə̄ de kə́ ngé rāā rāȳ gə̄ ngóy ō, ɓūtə̄ de kə́ ngé rāā ájə́ba gə̄ ngóy ō.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

EJEKIEL 16:24

Ɓá tā ba ī-na̰y kə̄ loo rāā ngán loo kə́ kḭḭ kə̄ dɔɔ́ gə̄ tə́, ī-na̰y kə̄ loo rāā loo kə́ kḭḭ kə̄ dɔɔ́ gə̄ tə́ malang tām̄ yāí tə́.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.