IJAI 57:5 - Bibəl ta Sar̄

⁵ Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

Bible sar

⁵ Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

IJAI 57:5 Referans Kwoze

EJEKIEL 16:20

Ngání kə́ dəngam gə̄ ō, kə́ dəyá̰ gə̄ ō ń ójə ādə̄m̄ ní, ḭ̄ ī-tɔ̄l̄də́ ba ī-tun̄ ādə̄ nə́ɓā kə́ rɔ̄kum aĺ gə̄ ngeé ń noō kadə̄ i yá̰a̰ kəsa yādə́ tə́. Ájə́ba ń ī-rāā asiī aĺ i mbéé ɓáý a?

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

JEREMI 7:31

Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

JEJU TEĒ KUM JA̰A̰ 18:3

Tɔdɔ̄ nápar de gə̄ malang a̰ȳn̄ kasə ájə́ba kɔ̄r̄ yān ō, mban̄g kə́ dɔ nang tə́ gə̄ malang ɓīīn̄ seneé loo ájə́ba tə́ ō, ngé rāā gātə̄ kə́ dɔ nang tə́ gə̄ əngen̄ yá̰a̰ kə ta kūl̄ mang kə́ ni-mangdə́ yá̰á̰ kə́ majə ngá̰ý gə̄ kə́ gātə̄də́ i ngá̰ý tə́ ō.

EJEKIEL 20:31

Ngɔlaā gə̄gē ní, dan ń ā ī-reēī kə yá̰a̰ ndējə̄ yāsí gə̄ ō, ā ī-róōī ngáńsí gə̄ horoó yá̰a̰ tun̄ tə́ ādī nə́ɓā kə́ rɔ̄kum aĺ gə̄ ō ní, sḭḭ̄ ī-rāāī adə̄ ī-téliī i de kə́ yḛr gə̄. Sḭḭ̄ Israel gə̄, ɔ́jiīń na m-ā m-ə́ya̰ kadə̄ ā ī-dəjemī najə̄ a? M-ā m-ə́ya̰ aĺ bátə́! Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́ya̰ kadə̄ sḭḭ̄ ī-dəjemī najə̄ alé!

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

EJEKIEL 6:13

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə nduú yān, bátə́ adə̄ gerə̄n̄ kum najə̄ to̰ alé.

JEREMI 50:38

Ādī kaskar ɔdə kum man̄ yān gə̄ adə̄ iīn̄ kɔ̄ɔ́. Babilon i ɓē yā ɓesə̄ kə́ tɔ́sə̄ gə̄. I yá̰á̰ kə́ to yḛr kum gə̄ kə́ rāān̄ ngé rāā ɓesə̄ gə̄ ní adə̄ ɔrə̄n̄ najə̄ mbitə mbitə.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

JEREMI 17:2

Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

2 MBAN̄G 17:10

Túdə̄n̄ ngán mbal̄ gə̄ kə nja dɔɔ́ ō, kāgə̄ ɓesə̄ kə́ yā ɓōĺ gidə gə̄ ō, kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ i ngá̰ý gə̄ tə́ malang ō.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

NDŪ NAJƏ̄ 12:2

Loo rāā ɓesə̄ yā nápar de gə̄ ń ā ī-taāī dɔ nang yādə́ á i dɔ mbal̄ bo gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý tə́ ō ní, ā ī-nujiīneé kɔ̄ɔ́ malang.

TƏ́DA 25:6

Kum mbang ngeé ń noō tə́ Israel kógə̄ḿ teē tū tə́ noō kə dəyá̰ kə́ Madian reē ugə̄ń dan ngákó̰o̰n gə̄ tə́. Moijə nin̄ kə ngán Israel gə̄ ń kánə̄n̄ naā ta kújə kənge naā tə́ ba ndi a nōōn̄ ní a̰a̰n̄də́.

Teē Ngán Israel gə̄ 32:6

Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

2 MBAN̄G 17:7

Yá̰á̰ ń noō rāā yá̰a̰ i tɔdɔ̄ ngán Israel gə̄ rāān̄ yá̰á̰ kə́ majaĺ kə Kɔ́ɔ̄ɓē Nə́ɓā yādə́ ń taādə́ jī Parao̰ mban̄g kə́ Ejiptə tə́, ba teē sedə́ kɔ̄ɔ́ kem ɓē kə́ Ejiptə tə́ ní ō, i i tɔdɔ̄ nin̄ ɓōlə́n̄ ndíl nə́ɓā gə̄ ń i ɓesə̄ gə̄ ō ní.