IJAI 57:18 - Bibəl ta Sar̄

¹⁸ Hálən ń rāā ní, m-á̰a̰ā̰ majə ngá̰ý, banī m-ā m̄-rāān kadə̄ a ngáā. M-ā m-ɔ́jən ta róbə, m-ā m-ə́la go̰ kemən tə́. ngé gə̄ ń yo i dɔdə́ tə́ adə̄ nin̄ əhɔn̄ ndoō ní,

Bible sar

¹⁸ Hálən ń rāā ní, m-á̰a̰ā̰ majə ngá̰ý, banī m-ā m̄-rāān kadə̄ a ngáā. M-ā m-ɔ́jən ta róbə, m-ā m-ə́la go̰ kemən tə́. ngé gə̄ ń yo i dɔdə́ tə́ adə̄ nin̄ əhɔn̄ ndoō ní,

IJAI 57:18 Referans Kwoze

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

JEREMI 31:3

Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

KOHELET 9:4

Tɔdɔ̄ i náā n a gḛynən̄ ngá̰ý ní? Kə́ tām̄ yā de gə̄ malang ń ndin̄ kə kumdə́ tə́ ní, yá̰á̰ kógə̄ḿ kə́ rɔ̄kum i noó: Bísə́ kə́ kə kumuú i só tə́ tɔȳ ɓɔl kə́ oy kɔ̄ɔ́.

PĀ GƏ̄ 51:12

Nə́ɓā, ī-rāā ādə̄ kemḿ unjə̄ njáý njáý. Ī-tūr̄ ndílə́ḿ ādə̄ téĺ kə́ kijə ō, ī-rāān ādə̄ ra ngan̄g ō.

PĀ GƏ̄ 23:2

Ni-aw̄ seḿ dɔ mu kə́ mbōl̄ tə́. Njə̄rā seḿ kə gō kadə man̄ kə́ to lɔmɔɔ́.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

Najə̄ kə́ Majə yā Jeju ń Luk ndang ní 15:20

Anī ni-ḭḭ dɔɔ́, aw̄ ta kaw̄ gogə́ rɔ̄ bɔbə̄n tə́. Dan ń ni i sa̰y ɓáý á bɔbə̄n a̰a̰ dɔn, anī kumən o̰o̰n seneé. Bɔbə̄n a̰ȳ ngɔ̄də̄ ɔjə non, əhɔn kə̄ rɔ̄n tə́ ɓirə̄n dagə.

PĀ GƏ̄ 94:19

Dan ń sōl̄ yá̰a̰ tɔȳ dɔḿ anī, ḭ̄ ī-sɔl̄ kemḿ, ī-rāā adə̄ rɔ̄ḿ tél nelə̄m̄ gogə́.

IJAI 19:22

Kɔ́ɔ̄ɓē a ənda de kə́ Ejiptə tə́ gə̄. Ni a əndadə́ ba a rāādə́ kadə̄ rɔ̄də́ a ngáā. Nin̄ a télən̄ kə̄ rɔ̄ Kɔ́ɔ̄ɓē tə́ ō, Kɔ́ɔ̄ɓē a oōdə́ najə̄ yá̰á̰ ń nin̄ dəjenən̄ tə́ ní ō, ni a rāādə́ kadə̄ rɔ̄də́ a ngáā ō.

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.

IJAI 53:5

Banī ni-ənge do i najə̄ yá̰a̰ rāājí gə̄ kə́ gōtə́ aĺ gə̄ tə́, rējə̄nən̄ i najə̄ majaĺ yājí gə̄ tə́. I ni n əndanən̄ ndéý ń reē kə kem sɔlɔ́ adə̄jí ní. Jḭḭ̄ j-əngeī rɔ̄ ngan̄g i kə ta kūl̄ do gə̄ ń ni-ənge ní.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

JAKARI 1:13

Loo ń noō tə́ nge kaw̄ kəla ń a ɔr̄ najə̄ seḿ ní, Kɔ́ɔ̄ɓē tūr̄ ədan najə̄ kə míndə́ kə́ majaá. Najə̄ ń ni-ɔr̄ seneé ní, i najə̄ kə́ a əla go̰ kem deē tə́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

JEREMI 30:17

M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.