IJAI 57:16 - Bibəl ta Sar̄

¹⁶ Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

Bible sar

¹⁶ Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

IJAI 57:16 Referans Kwoze

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

PĀ GƏ̄ 85:5

Nə́ɓā, nge kajəjí, ī-tél ī-reē sejí gogə́! Ə́hɔ́jí kemií tə́ alé.

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

JEREMI 10:24

Kɔ́ɔ̄ɓē, ə́ndam̄, banī ādə̄ i kə looneé tá. ī-lōō kəndam̄ kə wōngōó na sōgə́ ī-rāām̄ ādə̄ m̄-to yá̰a̰ alé.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

JEREMI 38:16

Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

TA KƏLA 6:3

Tā anī Kɔ́ɔ̄ɓē əda na: M-ā m-ādə̄ ndílə́ḿ a ndi kem deē tə́ kə ndɔ̄ gə̄ ngándáńg alé, tɔdɔ̄ deē i dā̰ rɔ̄ kə́ tɔ́gən i ngá̰ý alé, adə̄ ɓālə̄n a aw̄ ngá̰ý gē a, i ɓú kə kutə jōó ngóy.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

JEREMI 3:5

Nə́ɓā a rāā wōn̄g seḿ kə̄ non tə́ a? Ni a əhɔm̄ kemən tə́ kə́ njɔ́ḿ gə̄ tə́ a? Banī, taí a ɔ̄r najə̄ ō, ā ī-rāań yá̰á̰ kə́ majaĺ kə̄ noí tə́ kə́ nja ngáā tə́ ō.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

2 SAMUEL 24:16

De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

Makətūbə̄ yā Job 12:10

Yá̰a̰ gə̄ malang ń ndin̄ kə kumdə́ ní, ndi kə kumuú yādə́ i kem jī Kɔ́ɔ̄ɓē tə́. Koō i kem jīn tə́ ō.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.