IJAI 57:13 - Bibəl ta Sar̄

¹³ Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ táĺ ō.

Bible sar

¹³ Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ *táĺ ō.

IJAI 57:13 Referans Kwoze

PĀ GƏ̄ 37:9

Tɔdɔ̄ a ɔrə̄n̄ ngé kem ndul gə̄ kɔ̄ɔ́. Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní a ndin̄ dɔ nang ń Nə́ɓā adə̄də́ tə́ ní.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

IJAI 65:25

Soó ō, ngōn̄ batə̄ ō a əsan̄ yá̰a̰ naā tə́, ɓɔl a əsa mu kə́ tutə tītə̄ man̄g. Lī a ul̄ rɔ̄n i kə bumbə́rú. Yá̰á̰ kə́ majaĺ, aké yá̰á̰ kə́ rāā kə dɔ́nɔ́, a to dɔ mbal̄ yāḿ kə́ táĺ tə́ to̰ alé. I mā Kɔ́ɔ̄ɓē n m-ə́da najə̄ ń noō ní.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

JAKARI 7:13

adə̄ ni-əda na: Dan ń m̄-dəjedə́ kadə̄ oōn̄ taḿ anī, nin̄ mbātə́n̄ koō najə̄ yāḿ kɔ̄ɔ́. I beé n mā m̄-mbātə́nń koō najə̄ yādə́, dan ń nin̄ dəjen̄ kadə̄ m̄-rāā sédə́ ní.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

IJAI 65:9

Banī gír de gə̄ yā Jakob ní, m-ā m-ādə̄də́ ngán gə̄, gír ɓē yā Juda ní, m-ā m-ādə̄də́ ngán kaadə́ gə̄. Nin̄ a əngen̄ mbal̄ bo yāḿ gə̄ yá̰a̰ ndəbā tə́. Ngé gə̄ ń m̄-gə̄rādə́ ní a əngen̄ mbal̄ bo yāḿ gə̄ ní, ngé gə̄ ń rāān̄ kəla adə̄mə̄n̄ ní a ndin̄ tū tə́.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

NGÉ SARYA 10:14

Āw̄ ī-nōōī kə̄ dɔ ɓesə̄ gə̄ ń úniī gōdə́ ní tə́ ādə̄ ajən̄sí ndɔ̄ ń wur kɔl kə́ ngá̰ý əsōń dɔsí tə́ ní.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

JEREMI 22:22

Nél ɔy ngé kulīí gə̄ malang aw̄ sedə́ kɔ̄ɔ́ ō, əhɔn̄ ngé sāāí gə̄ aw̄n̄ sedə́ dɔ ɓē kə́ rang tə́ ō. Kə́ rɔ̄kum tə́ ní, rɔ̄í a sɔlī ō, a ndaanī ō, najə̄ yā ngé nong yāí gə̄ malang tə́.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

IJAI 41:16

Ā ī-tə́nīdə́ kum kə̄ dɔɔ́ ō, nél a aw̄ sedə́ kɔ̄ɔ́ tītə̄ ń aw̄ń kə muú kɔ̄ɔ́ ní ō. Nél man̄ kə́ əla kə tɔ́gɔ́ a ɔydə́ yā kaw̄ sedə́ kə̄ loo gə̄ tə́. Banī ḭ̄ ā ə́ga kɔŕ rɔ̄nel̄ najə̄ yā Kɔ́ɔ̄ɓē tə́, ā ə́nda kadií najə̄ yā Nə́ɓā kə́ táĺ yā Israel tə́.

IJAI 40:24

Ɓārə́n̄ rīdə́ i ngɔr ɓáý, ndin̄ i ngɔr ɓáý, əlan̄ ngəradə́ aĺ ɓáý, anī Kɔ́ɔ̄ɓē tóódə́ kə koō kə́ tan tə́ kɔ̄ɔ́ ɓá. Anī nin̄ tutən̄ ō, nél man̄ kə́ əla kə tɔ́gɔ́ ɔydə́ tītə̄ mu beé aw̄ sedə́ kɔ̄ɔ́ ō.

Gōsə̄ najə̄ gə̄ 28:25

De kə́ ɓō yá̰a̰ kənge rāān ngá̰ý i nge rāā kadə̄ kɔ̄l̄ naā to, ba deē ń ənī kemən mámák adə̄ Kɔ́ɔ̄ɓē ní a ənge yá̰a̰ kadə̄ asən.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

PĀ GƏ̄ 58:9

Ādə̄ ton̄ tītə̄ kotəró ń ɔr ndɔl gōn tə́ a njə̄rāń ní! Ādə̄ a̰a̰n̄ kum mbang aĺ tītə̄ ngōn̄ kə́ kɔr̄ beé!

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

Makətūbə̄ yā Job 21:18

Ɓá ta ba de gə̄ ədan̄ na: Ādə̄ nin̄ ton̄ tītə̄ mu kə́ nél un aw̄ń beé ō, təsá kə́ nél man̄ ɔy aw̄ń beé ō.

2 MBAN̄G 3:13

Elije əda mban̄g kə́ Israel na: I rí n ɓoojí jḭḭ seí naā tə́. Āw̄ rɔ̄ ngé koō ta yā bɔbí gə̄ ō, yā kó̰ó̰í gə̄ ō tə́. Mban̄g kə́ Israel tél ədan na: I tītə̄ ń noō alé, tɔdɔ̄ kə́ rɔ̄kum gə̄ tə́ ní Kɔ́ɔ̄ɓē əla gō mban̄g kə́ mətá gə̄ ń toō tə́ i yā kəladə́ kem jī Moab gə̄ tə́.

PĀ GƏ̄ 118:8

Kadə̄ deē ɓɔ̄ɔ̄ rɔ̄n rɔ̄ Kɔ́ɔ̄ɓē tə́ i só tə́ tɔȳ kadə̄ deē əndā kemən dɔ de gə̄ tə́!

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

PĀ GƏ̄ 37:11

Banī ngé gə̄ ń télən̄ kə rɔ̄də́ kə̄ nang tə́ ní a əngen̄ dɔ nang. Nin̄ a ndin̄ kə kem sɔl̄ lɔm kə́ ngá̰ý.

PĀ GƏ̄ 37:22

Ngé gə̄ ń Nə́ɓā rāā majə sedə́ ní a əngen̄ dɔ nang, ba ngé gə̄ ń ni ndɔ̄ĺdə́ ní a ɔrə̄n̄də́ kɔ̄ɔ́.

PĀ GƏ̄ 37:29

De kə́ súmūú gə̄ a əngen̄ dɔ nang ń Nə́ɓā ənī míndən yā kadə̄də́ ní, nin̄ a ndin̄ tū tə́ ngándáńg.

PĀ GƏ̄ 37:34

Ré ī-tə́gā taí ba ī-ngóō Kɔ́ɔ̄ɓē ō, un gō róbə́ yān ō anī, ni a ɔsiī kə̄ dɔɔ́ kadə̄ ḭ̄ i kɔ́ɔ̄ dɔ nang ń ni-ənī míndən yā kadī ní ō, ā á̰á̰ ngé kem ndul gə̄ ń ɔrə̄n̄də́ kɔ̄ɔ́ ní ō.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.