IJAI 57:12 - Bibəl ta Sar̄

¹² Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

Bible sar

¹² Banī yá̰á̰ ń i gātīí ní, m-ā m-ə́da wáńg kə̄ ndágá. Yá̰á̰ ń ī-rāā ní, ā ə́ngé yá̰á̰ kógə̄ḿ gírí alé. Nge ń noō a rāā majə seí alé.

IJAI 57:12 Referans Kwoze

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MATIYE 23:5

Yá̰a̰ rāādə́ gə̄ malang ní, i yā kadə̄ de gə̄ a̰a̰n̄neédə́ ngóy. Nin̄-rāān̄ ngong kə́ dūú gə̄ ń najə̄ gə̄ yā Nə́ɓā i kemeé á do̰ō̰n̄ nodə́ tə́ aláa do̰ō̰n̄ jīdə́ tə́ ní adə̄ lan̄ popəlo o, rāān̄ ta kəlā ro̰ kūbə̄ yādə́ gə̄ adə̄ ngālə̄n̄ tilili ō.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

JEREMI 51:18

Nin̄ i yá̰á̰ kə́ kanjə̄ kumən gə̄, i yá̰a̰ kəgō yā de gə̄. Nin̄ a gətóon̄ kɔ̄ɔ́, dan ń kum mbang kə́ kadə̄ əngen̄ń ndéy ugə̄ ní.