IJAI 57:1 - Bibəl ta Sar̄

¹ Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

Bible sar

¹ Ngé gə̄ ń oōn̄ ta Nə́ɓā ní, tɔ̄lə̄n̄də́ kɔ̄ɔ́ ō, deē kógə̄ḿ kə́ usən dɔ tə́ gətóo ō. A̰á̰ā̰, ngé gə̄ ń oōn̄ ta Nə́ɓā ní gətóon̄ kɔ̄ɔ́, sɔɔ̄ń kem ndul yā de kə́ majaĺ gə̄.

IJAI 57:1 Referans Kwoze

2 MBAN̄G 22:20

Adə̄ m-ā m-ə́ya̰ī kadə̄ óy āw̄ gō kaaí gə̄ tə́ kə kem kə́ sɔl̄ lɔmɔɔ́. A əlanī ɓádá kanjə̄ kadə̄ á̰á̰ yá̰á̰ kə́ to kum kaȳ aĺ gə̄ malang ń m-ā m̄-reēń dɔ ɓē kə́ Jerusalem tə́ ní. Hilkia ngol ngé tun̄ yá̰a̰ gə̄ nin̄ kə madə̄n gēé tél reē ədan̄ mban̄g Josias najə̄ ń nge koō ta kə́ dəyá̰ tūr̄ ədadə́ ní.

PĀ GƏ̄ 12:1

Pā kə́ kem makətūbə̄ yā gōsə̄ pā gə̄ tə́. A dānə̄n̄ gō i kə kənde kə́ kəlān i sɔ́sɔ́. I pā yā Dabid.

2 YÁ̰A̰ GƏ̄ 34:28

Ā óy yā kaw̄ gō kaaí gə̄ tə́. Ba ā āw̄ ɓádá i kə kem sɔlɔ́. Kumií a a̰a̰ yá̰á̰ kə́ to kum kaȳ aĺ ń m-ā m̄-rāā yā rāā kə ɓē kə́ Jerusalem ō, kə de kə́ kemeé gə̄ ō ní alé. Hilkia ngol ngé tun̄ yá̰a̰ gə̄ nin̄ kə madə̄n gēé reē ədan̄ mban̄g Josias najə̄ ní.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

IJAI 47:7

Ḭ̄ ə́da na ā ī-ndi kə kumií ngándáńg, na ā ī-ndi mban̄g kə́ dəyá̰ kə́ njɔ́ḿ gə̄ tə́. Ḭ̄ ī-gír̄ yá̰a̰ dɔ yá̰a̰ gə̄ ń toō tə́ alé, ḭ̄ ī-gír̄ dɔ ndɔ̄ kə́ bírí tə́ alé.

2 YÁ̰A̰ GƏ̄ 35:24

Ngé kəla yān gə̄ unənən̄ kem púsə rɔ̄ɔ̄ tə́ kɔ̄ɔ́ ənīnən̄ kem púsə yān kə́ rang tə́, ba aw̄n̄ seneé Jerusalem. Adə̄ oy i noó ba dubə̄nən̄ i kem bāá ɓádə yā kaan gə̄ tə́. Juda gə̄ ō, de kə́ Jerusalem gə̄ ō malang nōōn̄ Josias.

2 YÁ̰A̰ GƏ̄ 32:33

Dan ń Ejekias oy ní dubə̄nən̄ i loo ń dubə̄n̄ de kə́ gír kojə yā Dabid tə́ gə̄ tū tə́ ní. Ba dubə̄nən̄ i dāmə̄n kə́ kḭḭ kə̄ dɔɔ́ tə́. Juda gə̄ malang ō, de kə́ Jerusalem gə̄ ō, ɔrən̄ tan ndɔ̄ yon tə́. I ngōnən Manase n o̰o̰ ɓē gotən tə́ ní.

1 MBAN̄G GƏ̄ 14:13

Ngán Israel gə̄ malang a nōōnən̄ ō, a dubə̄nən̄ ō, tɔdɔ̄ i ni ngóy n i de kə́ gír kojə yā Jeroboam tə́ kə́ a dubə̄nən̄ kem bəlo ɓádə́ tə́ ō, kə́ Kɔ́ɔ̄ɓē yā Israel a̰a̰ yá̰á̰ kə́ majə kemən tə́ ō ní.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

TƏ́DA 23:10

I náā n asə tə́da dūbə̄ de kə́ gír kaa yā Jakob tə́ ní? I náā n asə tə́da kutə de kə́ gír kaa yā Israel tə́ ní? Ādə̄ mə̄kɔ́ kə dɔḿ m-óy yo yā de kə́ súmūú gə̄ n noō ō, ādə̄ yá̰á̰ ń a rāā kósə Israel gə̄ ní rāām̄ ō.

PĀ GƏ̄ 37:37

Ə̄ndā ma̰ȳ de kə́ sew, á̰a̰ de kə́ súmūú. Tɔdɔ̄ de kə́ najə̄n gətóo a əndā kōōn.

IJAI 47:11

Á̰a̰ā̰, yá̰á̰ kə́ to kum kaȳ aĺ kógə̄ḿ a teē dɔí tə́, ā ger̄ loo tūr̄ tan kɔ̄ɔ́ dɔí tə́ alé. Yá̰á̰ kə́ to kum kaȳ aĺ kógə̄ḿ a əsō dɔí tə́, ā ásə kəja rɔ̄í kɔ̄ɔ́ ta tə́ alé. Nél man̄ kə́ əla kə ngangá ngá̰ý kə́ ásə kəndā dɔ rɔ̄í danaá kété najə̄n tə́ alé, a əla gidə kógə̄ḿ kum kə̄ dɔí tə́.

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.