IJAI 55:9 - Bibəl ta Sar̄

⁹ Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

Bible sar

⁹ Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

IJAI 55:9 Referans Kwoze

PĀ GƏ̄ 103:11

Tītə̄ ń dɔ rā̰ i dɔɔ́ dɔ dɔ nang tə́ ní, kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

PĀ GƏ̄ 77:19

Dan ń man̄ yāí ndang á kōōn ɓār̄ ní anī, man̄ gə̄ ń telə̄n̄ ní, rāān̄ adə̄ loo unjə̄ dɔ nang tə́. Dɔ nang ndebə ō, ndām̄ ngin ngin ō.

PĀ GƏ̄ 36:5

Dan ń to ndɔ̄ɔ́ anī, a núm̄ i yá̰á̰ kə́ majaĺ kə́ yā teē rāā. Ni un gō róbə́ kə́ majaĺ kə̄ non tə́, mbātə́ yá̰á̰ kə́ majaĺ aĺ bátə́.

PĀ GƏ̄ 89:2

M-ā m-ə̄nī pā yá̰a̰ gə̄ ń Kɔ́ɔ̄ɓē rāā kə gō kem majə yān ní ngándáńg. M-ā m-ə̄nī mbēr̄ dɔ yá̰á̰ kə́ rɔ̄kum yān tə́, kadə̄ ngáńjí gə̄ ō ngán kaají gə̄ ō gerə̄n̄.

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!