IJAI 55:8 - Bibəl ta Sar̄

⁸ Najə̄ ń Kɔ́ɔ̄ɓē əda ní n toó: Gír̄ yāsí gə̄ i gír̄ yāḿ gə̄ alé. Jī bēl̄ loo rāā yá̰a̰ yāḿ gə̄ i jī bēl̄ loo rāā yá̰a̰ yāsí gə̄ alé.

Bible sar

⁸ Najə̄ ń Kɔ́ɔ̄ɓē əda ní n toó: Gír̄ yāsí gə̄ i gír̄ yāḿ gə̄ alé. Jī bēl̄ loo rāā yá̰a̰ yāḿ gə̄ i jī bēl̄ loo rāā yá̰a̰ yāsí gə̄ alé.

IJAI 55:8 Referans Kwoze

PĀ GƏ̄ 92:5

Tɔdɔ̄ Kɔ́ɔ̄ɓē, yá̰a̰ rāāí adə̄m̄ rɔ̄nel̄ ō, ré m̄-rā ta kəla gə̄ ń ī-rāādə́ kə jīí tə́ ní ɓáa, m-úr i kɔĺ rɔ̄nel̄ ō.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

EJEKIEL 18:29

Banī sḭḭ̄ Israel gə̄ ə́daī na jī bēl̄ loo rāā yá̰a̰ yā Kɔ́ɔ̄ɓē na majə alé. Ní, i jī bēl̄ loo rāā yá̰a̰ yāḿ mā n i kə́ majə aĺ ní a? I jī bēl̄ loo rāā yá̰a̰ yāsí sḭḭ̄ gə̄ n i kə́ majə aĺ ní!

PĀ GƏ̄ 25:10

Yá̰a̰ gə̄ ń Kɔ́ɔ̄ɓē ɔjə malang ní i kem majə ō, ra dɔ ndū tə́ ō tām̄ yā ngé gə̄ ń rāān̄ yá̰á̰ ń ndū najə̄ kə́ dɔ madə̄ naā yān tə́ əda ní.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

Gōsə̄ najə̄ gə̄ 21:8

Hál de kə́ najə̄ i dɔn tə́ i háĺ kə́ rúgə̄ rɔ̄n ngá̰ý banī hál nge rāā yá̰á̰ kə́ gōtə́ i háĺ kə́ súmūú.

Gōsə̄ najə̄ gə̄ 25:3

Loo ń dɔ rā̰ ḭḭ kum kə̄ dɔɔ́ bátə́ ugə̄ tū tə́ ō, dɔ nang lú bátə́ ugə̄ tū tə́ ō ní, jə-gerī alé. Jə-gerī gír̄ kə́ kem mban̄g gə̄ tə́ aĺ ō.

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

2 MBAN̄G 5:11

Loo ń noō tə́ wōn̄g rāā Naaman adə̄ ní ɔtə kə wōngōó ba əda na: Mā m-ɔ́jəń na a teē yā reē rɔ̄ḿ tə́ yā ra kə njan kə́ dɔɔ́ ɓārə́nń rī Kɔ́ɔ̄ɓē Nə́ɓā yān ō, kəla jīn kɔdəń looḿ ń moy i tū tə́ ní ō, kadə̄ bānjə̄ kə́ rɔ̄ḿ tə́ urə̄ń.

Makətūbə̄ yā Job 35:5

Á̰a̰ dɔ rā̰ majə ō, ə̄ndā ma̰ȳ kil̄ man̄ gə̄ ō. Nin̄ i dɔɔ́ dɔí tə́!