IJAI 55:6 - Bibəl ta Sar̄

⁶ Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

Bible sar

⁶ Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

IJAI 55:6 Referans Kwoze

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

Makətūbə̄ yā Job 8:5

Ba ré ḭ̄ ī-sāā Nə́ɓā ō, ī-rāā Nə́ɓā kə́ tɔ́gən i ngá̰ý ɓɔ́ ō,

NDŪ NAJƏ̄ 4:7

Tɔdɔ̄ i nápar de kə́ ngá̰ý gə̄ kə́ rá n ɓesə̄ yādə́ gə̄ i ngɔr rɔ̄də́ tə́ tītə̄ ń Kɔ́ɔ̄ɓē Nə́ɓā yājí i ngɔr rɔ̄jí tə́ kə dɔ ɓāŕ gə̄ malang ń j-a jə-ɓāŕniī kadə̄ dḭḭ̄jí ní ní?

PĀ GƏ̄ 95:7

Tɔdɔ̄ ni i Nə́ɓā yājí. Jḭḭ̄ i gír de gə̄ ń i ni n i nge kul̄də́ ní, jḭḭ̄ i ɓūtə̄ yá̰a̰ kul̄ gə̄ ń a ngɔ̄m̄də́ ní. Ɓōólaā ní ré ōōī ndūn anī,

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

Najə̄ kə́ Majə yā Jeju ń Luk ndang ní 13:25

Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

PĀ GƏ̄ 148:14

Ni-tél əla go̰ kem deē yān gə̄ tə́. I yá̰á̰ kə́ majə kadə̄ deē yān gə̄ malang ń i ngán Israel gə̄ ní ɓōkə́nən̄ tɔ̄ȳ najə̄n tə́, i nin̄ n i gír de kə́ ngɔr rɔ̄n tə́ gə̄ ní! Aleluya!

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

2 YÁ̰A̰ GƏ̄ 19:3

Ɓá tā ba yá̰á̰ kə́ majə to kemií tə́ ɓáý, tɔdɔ̄ ḭ̄ ī-róō kāgə̄ ɓesə̄ Asera gə̄ adə̄ gətóon̄ kem ɓē yāí tə́ ō, ḭ̄ ōō ta Nə́ɓā kə ngarā̰ kemií mámák adə̄ ī-rāā yá̰á̰ ń kemən ndigə ní ō.

PĀ GƏ̄ 75:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Ī-lōō kəya̰n kadə̄ nujəń. I pā yā Asap. Pā.

EPEJƏ 3:13

Adə̄ ī-lōōī kadə̄ wur kɔl gə̄ ń əsōn̄ dɔḿ tə́ tām̄ yāsí tə́ ní, ɔrə̄n̄ tɔ́gə́sí kɔ̄ɔ́, tɔdɔ̄ nge ń noō i kɔsə gɔn yāsí.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

MATIYE 5:25

Ə̄ndāī najə̄ naā tə́ kə madə̄ kɔ̄līí láẃ dan ń sḭḭ̄ seneé i dɔ róbə́ tə́ ɓáý ta kaw̄ kə̄ loo sarya tə́ ní, na sōgə́ ni-əlaī jī nge rāā sarya tə́, kadə̄ nge rāā sarya əlaī jī nge ngɔ̄m̄ dəngáy tə́, kadə̄ ənīnī dəngáyá.

NDŪ NAJƏ̄ 4:29

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

IJAI 26:9

Ndɔ̄ɔ́ anī, mā m̄-sāāī kə ngarā̰ kemḿ ō. Dan ń ún sarya gāngīí gə̄ ī-rāań kəla dɔ nang tə́ anī, de kə́ dɔ nang tə́ gə̄ malang ndóōn̄ rāā yá̰á̰ kə́ nelī ō.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

EJEKIEL 14:6

Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

JONAS 3:8

Majə kadə̄ de gə̄ malang o̰ō̰n̄ kūbə̄ kəhɔ ndoō, de gə̄ ō, dā̰ gə̄ ō! Majə kadə̄ de gə̄ kógə̄ḿ kógə̄ḿ əgan̄ kɔŕ kə̄ dɔ Nə́ɓā tə́ kə tɔ́gə́də́ gēé malang. Majə kadə̄ de gə̄ kógə̄ḿ kógə̄ḿ əya̰n̄ háĺdə́ kə́ majaĺ kɔ̄ɔ́ ō, dəban̄ ta yá̰á̰ kə́ rāā kə dɔ́nɔ́ kɔ̄ɔ́ ō.

ESDRAS 10:2

Anī Sekania kə́ ngōn̄ Yehiel ń i de kə́ gír kaa yā Elam tə́ ní, əda Esdras na: Jə-rāā yá̰á̰ kə́ gōtə́ aĺ ngá̰ý kə Nə́ɓā yājí, tām̄ jə-táā dəyá̰ tə̄rā gə̄ dan de kə́ kem ɓēé gə̄ tə́. Banī kə́ ngɔr ń toō tə́ ɓáa yá̰á̰ kə́ kadə̄ Israel əndā kemən dɔ tə́ to noó:

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

Gōsə̄ najə̄ gə̄ 8:17

Mā m̄-táŕ ngé tárəm̄ gə̄ ō, ngé sāām̄ gə̄ a əngemə̄n̄ ō.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.