IJAI 55:5 - Bibəl ta Sar̄

⁵ Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

Bible sar

⁵ *Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ *táĺ yā Israel, ni ń ndigə rɔyī ní.

IJAI 55:5 Referans Kwoze

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

Makətūbə̄ ń Pol ndang adə̄ Rom gə̄ ní 15:20

Ba mā m-ɔ́jə Najə̄ kə́ Majə ní i loo kə́ deē oō rī Kərist tū tə́ aĺ ɓáý tə́ ngóy. Kumən na m̄-gḛy kəndā kújə dɔ ngəra kújə yā de kə́ rang tə́ alé.

KƏLA RĀĀ 5:31

I ni n Nə́ɓā ɔsən kə̄ dɔɔ́ kə tɔ́gəneé əndānəń ngāraá ō, nge kajə de gə̄ tə́ ō, kadə̄ ngán Israel gə̄ əngen̄neé ta róbə ndə̄ngā rɔ̄də́ ba kəngeń mā̰ȳ rɔ̄ dɔ majaĺ yādə́ gə̄ tə́ ní.

KƏLA RĀĀ 3:13

Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

IJAI 45:23

Tītə̄ ń mā i Nə́ɓā kə́ rɔ̄kum noó, m̄-túbə̄ njaḿ, m-ɔ́jəń kadə̄ i rɔ̄kum, yá̰á̰ ń teē taḿ tə́ ní, i yá̰á̰ kə́ rɔ̄kum. Najə̄ kógə̄ḿ kə́ m-ā m̄-tūr̄ kem kār̄ kə́ rang tə́ aĺ n toó: Deē ndul gə̄ malang a ɔsən̄ kejədə́ nang tə́ noḿ mā tə́ ō, nin̄ a túbə̄n̄ yā kɔjəń kadə̄ i rɔ̄kum ō, a ədan̄ na:

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

HEBƏRO 5:5

Yā Kərist i tītə̄ ń noō ō. I nəkɔ́ n tél ngol ngé tun̄ yá̰a̰ gə̄ ɔsəń gɔn rɔ̄n ní alé. Ba nge ń ɔsə gɔnən ní, i Nə́ɓā ń ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

EPEJƏ 2:11

Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí.

2 SAMUEL 22:44

Ḭ̄ ɔ̄rə̄m̄ kɔ̄ɔ́ ta deē gír yāḿ gə̄ ń ənīn̄ wúȳ jīḿ tə́ ní, adə̄ rāān̄ yá̰á̰ kə́ majaĺ seḿ alé Ḭ̄ ə̄ndām̄ dɔ gír nápar de gə̄ tə́ ba ī-ngɔ̄mə̄m̄ ādə̄ mā i dɔdə́ tə́ dɔɔ́. Gír de kə́ m̄-ger̄də́ aĺ gə̄ a rāān̄ kəla yāḿ.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

IJAI 49:12

Nin̄ n toó! Ḭḭn̄ i sa̰y n tél reēn̄ gogə́ ní: Ngé kə́rēý gə̄ ḭḭn̄ i dām̄ mbɔ́r ɓē kə́ ko̰ó̰ tə́, ngé kə́ rang gə̄ ḭḭn̄ i no ɓē tə́, ngé kə́ rang gə̄ ɓáý to̰ ḭḭn̄ i dām̄ mbɔ́r ɓē kə́ geleé tə́, ḭḭn̄ i Ejiptə.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

EJEKIEL 39:7

M-ā m̄-rāā Israel gə̄ ń i gír deē yāḿ gə̄ ní kadə̄ a gerə̄n̄ kadə̄ mā i de kə́ táĺ ngá̰ý. M-ā m-ə́ya̰ kadə̄ deē kídə̄ rīḿ kə́ táĺ to̰ alé, adə̄ nápar de gə̄ a gerə̄n̄ kadə̄ Kɔ́ɔ̄ɓē, Nə́ɓā kə́ táĺ kə́ Israel tə́ i mā.