IJAI 55:3 - Bibəl ta Sar̄

³ Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

Bible sar

³ Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ *madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

IJAI 55:3 Referans Kwoze

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

Gōsə̄ najə̄ gə̄ 4:20

Ngōnə̄ḿ, ə̄ndā kumií gír najə̄ yāḿ tə́, ī-nēl̄ mbīí ōoń najə̄ kɔrə̄ḿ gə̄.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

KƏLA RĀĀ 13:34

Tá Nə́ɓā əda ɓáý to̰ na n-a n-ndólə̄n dan de kə́ koy gə̄ tə́, yā kadə̄ ndum to̰ alé. Ni-əda najə̄ ní i tītə̄ ń toō: M-ā m-ādə̄sí yá̰á̰ kə táĺ gə̄ ō, kə́ a mānə̄n̄ aĺ bátə́ gə̄ ō ń m-ə̄nā ndūḿ najə̄n tə́ m-ādə̄ Dabid ní.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

PĀ GƏ̄ 78:1

Pā kə́ kəda, i pā yā Asap. Sḭḭ̄ deē yāḿ gə̄, ōōī ndū najə̄ yāḿ, ī-nēlī mbīsí ōōīneé najə̄ kə́ taḿ tə́.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

JA̰A̰ 8:47

Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

JEREMI 50:5

Nin̄ a dəjen̄ róbə́ kə́ ta kaw̄ kə̄ Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ madə̄ naā kə́ ngándáńg kə́ dɔdə́ a ndígə̄nal aĺ bátə́.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

JEREMI 30:9

Jakob gə̄ a rāān̄ kəla yā kadə̄ Kɔ́ɔ̄ɓē Nə́ɓā yādə́ ō, yā kadə̄ mban̄g yādə́ Dabid ń m-ā m-ə́ndān dɔdə́ tə́ ní ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

PĀ GƏ̄ 119:112

Yá̰a̰ gə̄ ń ī-ndang kadə̄ yā rāā ní m-ə̄ndā kumḿ gírí m̄-rāā, i yá̰a̰ kəndā nja yāḿ kə́ kə́ njɔ́ḿ gə̄ tə́ gə̄ tə́.

PĀ GƏ̄ 89:28

Mā m-ā m̄-rāān i ngōn̄ hágə́ḿ tə́ ō, mban̄g kə́ bo tɔȳ mban̄g gə̄ malang kə́ dɔ nang tə́ ō.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

MATIYE 13:16

Ba sḭḭ̄ i kə rɔ̄nelēé tɔdɔ̄ kumsí a̰a̰ loo ō, mbīsí oō loo ō.

Makətūbə̄ ń Pol ndang adə̄ Rom gə̄ ní 10:5

Moijə nəkɔ́ ɔr̄ najə̄ kə́ sɔɔ̄ dɔ loo rāā ń ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

2 YÁ̰A̰ GƏ̄ 6:42

Kɔ́ɔ̄ɓē Nə́ɓā, ī-lōō mbātə́ mban̄g yāí ń úr yibə̄ dɔn tə́ ní. Ādə̄ əga kemií dɔ yá̰á̰ kə́ majə gə̄ malang ń ī-rāā ādə̄ nge kəla yāí Dabid ní tə́.

PĀ GƏ̄ 119:175

Ādə̄ m̄-ndi kə kumḿ kadə̄ m̄-ɓōkíīneé tɔ̄ȳ, ɓá anī ndūí gə̄ ń ī-ra dɔ tə́ ní a rāān̄ seḿ.

IJAI 51:4

Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

IJAI 54:10

Mbal̄ bo gə̄ asən̄ ndɔ́tə̄, ngán mbal̄ gə̄ asən̄ ndɔ́tə̄ kaw̄ ra loo kə́ rang tə́, banī táŕ ń m-āwń tām̄ yāí tə́ ní, a tūr̄ aĺ bátə́, madə̄ naā ń m-ə́hɔ seí yā rāań kadə̄ rɔ̄í nelī ní, a ndɔ́tə̄ loo aĺ bátə́. I mā Kɔ́ɔ̄ɓē n kemḿ gḛyiī á m-ə́daī najə̄ ń noō ní.

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

EJEKIEL 16:60

Ba mā tā a m-ā m̄-ra dɔ madə̄ naā ń m-ə́hɔ seí dan mandií tə́ ní ō, m-ā m̄-tūr̄ madə̄ naā kə́ a to ngándáńg.

EJEKIEL 34:24

Mā Kɔ́ɔ̄ɓē ní, ndɔ̄ń tə́ mā i Nə́ɓā yādə́ ō, nin̄ a əngen̄ ngār kə́ tītə̄ nge kəla yāḿ Dabid ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.

AMOS 5:4

Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

2 SAMUEL 7:29

m̄-rāāī ɓɔ́, ī-rāā majə kə gír kojə yāḿ ādə̄ o̰o̰ ɓē ngándáńg ta kumií tə́. Kɔ́ɔ̄ɓē Nə́ɓā yāḿ, tītə̄ ń ə̄niń ndūí ní, ī-rāā majə kə gír kojə yāḿ ngándáńg.

PĀ GƏ̄ 89:29

Kem majə yāḿ a to ngándáńg tām̄ yān tə́ ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

Gōsə̄ najə̄ gə̄ 7:2

Ī-rāā yá̰á̰ ń m-ə́daī ní, anī ā ī-ndi kə dɔí dɔɔ́. Ī-ngɔ̄m̄ yá̰á̰ ń m̄-ndóōī ní tītə̄ loo ngɔ̄m̄ ngarā̰ kumií beē.

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.